(CORSE MATIN) Serà forse diventata a Storia u velenu u più periculosu è nucevule per i nostri guvernanti. Tutti sunnieghjanu di lascià ci a so impronta, qualessa sia a manera di fà la, d’altronde. Certi, pocu maneschi, l’anu ancu fatta per via di i libri di cuntabilità, cù qualchì tufone in e (longhe) pagine di a debbita lasciata in eredità.
D’altri, a facenu cù un imprestu per circà à tuppà l’emurragia chì, ne pudemu esse sicuri, hà da lascià una filiazione tussica, senza chì nisunu sappia propiu di quale serà a paternità. Oramai, cù u votu è e ragiunate di sta settimana ne pudemu esse sicuri, à l’Assemblea di Corsica ùn hè micca solu u bugettu à esse primitivu…
Omancu, ciò chì ghjè bè cù sta nova mandatura, hè chì ogni ghjornu, ogni evenimentu dapoi u 13 di dicembre hè « storicu ». Eppuru, fermanu per avà gestiunarii d’un prisente ch’elli ùn sò propiu in capacità d’ammaestrà. Da ogni latu si cerca à inventà un avvene ch’elli ponu solu imaginà, u rilogiu è a borsa ùn essendu propiu alliati di prima trinca.
.
.
A l'accorta annant'à Google Infurmazione
For Latest Updates Follow us on Google News
Nos dernière informations sur Google Actus
Produit CORSU E RIBELLU
