Intervention de la Présidente en séance publique de l’Assemblée de Corse
Fabiana Giovannini est intervenue à l’Assemblée de Corse, ce vendredi 11 mars, en réponse à la Question Orale de Rosa Prosperi du groupe Corsica Libera concernant le maintien du service postal en milieu rural.
Risposta di Fabiana Giovannini, Cunsigliera esecutiva,
à a dumanda à a bocca di Mma Rosa PROSPERI À nome di u gruppu « CORSICA LIBERA »
UGHJETTU: Mantenimentu d’un serviziu pustale in lochi rurali
« Madama a Cunsigliera,
Cum’è vo l’avete detta di manera ghjusta, pè u PADDUC, u mantenimentu è u sviluppu di u serviziu pùblicu in u rurale hè un urientazione stratègica, chì ssu serviziu hè un fattore determinante per parà a calata demugràfica di u rurale è cuntribuisce à l’equilìbriu di u territoriu.
A quistione di u mantenimentu d’un serviziu pustale, indifora di i bisogni di raziunalisazione di ciò ch’ellu costa pè a Posta, hè un veru penseru pè u nostru Esecutivu.
Sò ben intesa attenta à a vostra pruposta di chede à u Direttore di a Posta di piantà u so prugettu cuncernandu i settori pustali è sò d’accusentu cù l’edea di cuncertazione cù l’associi di i merri, i sindicati è i cullettivi.
Puru, mi pare ch’aldilà di un mantenimentu di u serviziu attuale, da u quale si cunnòscenu e qualità ma induv’ellu ci tocca à custatà ch’ellu ùn basta micca per assicurà l’equillìbriu territuriale, ci hè un inghjocu capitale à ingaggià un dibàttitu di fondu cù i raprisententi di a Posta per studià di chì manera è in chì cundizioni ella puderà cuntribuisce, cù l’evuluzioni di e so attività è di i so servizii, à a messa in òpera di a pulìtica regiunale.
Avemu tutti cunniscenza di certe sperienze pilote, nant’à u cuntinentu, à prupòsitu d’attività è di servizii pruposti da i fattori à l’abitenti di u rurale.
Mi pare chì malgratu e dumande suciale poste da ss’evuluzione, ssu sughjettu deve esse avvicinatu cù pragmatìsimu cù i raprisententi di a Direzzione Regiunale di a Posta, i raprisententi sindicali, i dipartimenti o e cummune.
U PADDUC hà messu in piazza una struturazione di u territoriu cù sfarenti livelli di pullarità, ogni livellu essendu evaluatu secondu l’offerta di servizii.
Avemu una cunniscenza abbastanza fina di i bisogni è di e risposte ch’ellu ci vole à fà pè e cumune di l’interiore. Ssu custatu è l’urientazioni ch’ellu abbisogna (pè u più cù l’aiutu di u Pianu di a Muntagna) puderebbe custituisce una basa di travagliu interessante per studià in accordu cù a Posta a parte ch’ella pò piglià nu a furnitura di ssi servizii chì màncanu oghje. Cusì passeremu da una lògica di ristrutturazione sufferta è dannèvule pè u territoriu, à una lògica d’evuluzione di l’offerta di servizzi ecunumicamente durèvule pè a Corsica è prufittèvule pè u territoriu.
Vi ringraziu. »
Produit CORSU E RIBELLU
