#Corse Faustina di A Prugna « Un staremu micca muti ! »

Un annu fà, pruvaiani à tumbà unu di i nosci. Una volta di più un naziunalistu, impignatu in a vita pulitica di u so rughjonu e di u so paesu era piddatu à segnu.

Dapoi anni e anni chi a Corsica cunosci straggi e doli. Dipoi anni e anni chi si pienghji in i famidda di più in più numarosi  à essa cuncirnati. Daoi anni e anni chi s’aspetta a ghjustizia ma nudda e nimu veni à rispond’à issu scumpientu chi metti à mali a noscia cumunità.
Ùn si pò cuncipiscia
l’avvena e u spannamentu senza rispettu di I dritti umani e di a  vita.

L’attualità c’impara ch’in Corsica, a maior’ parti di i cartulari d’assassinii firmarani bioti. Chi a rialtà di a pulizia e di a ghjustizia moscia ch’un so indipendenti. Ch’issa situazzioni cunveni à u Statu Francesu chi criminalizzighja una cumunità piuttostu chi d’indià un’ andatura di suluzioni pulitica.
A mezzu à certi assassini o provi d’assassini, si po pinsà chi a mani di i certi sirvizii o reti vicinu ‘ssu statu un hè tantu luntanu…
Tocc’ à noi patriotti di primurà si d’issa  situazioni. Tocc’a noi di pett’à issi manipulazzioni di fà sapè fà fronti. Un staremu mai zitti !