#Corse Grève de la faim de Paul-André Contadini, soutien et inquiétude de Ghjuventù Indipendentista

A Ghjuventù Indipendentista tene à sparghje u so pinseru tamantu per via di a situazione di Paulu Andria Contadini.

Hà cumminciatu un patifame 7 ghjorni fà è hà digià persu 8kg. A so salute hè in periculu è à ogni mumenti puderia esse uspidalizatu. In più di què, ci vole à sapè ch’ellu hè statu spiccatu di l’altri prigiuneri Corsi chì u sustenianu.

Paulu Andria hà cumminciatu a so azzione per dinunzià u fattu d’esse sempre incarceratu à Fresnes mentre chì a logica vuleria ch’ellu sia avvicinatu in Borgu.

Di pettu à a situazione, a ghjustizia francesce ùn reagisce micca, mettendu in periculu a vita d’un babbu di famiglia.

Di fattu, ùn pudemu stà muti quandu vedimu un fratellu di lotta in tale cundizione. Ghjè u nostru deveru di sustenelu !

Amnistia è Libertà per i patriotti !
A nostra cuscenza hè resistenza !

Ghjuventù Indipendentista

Les prisonniers politiques de Borgu annoncent la grève des plateaux en soutien à leur ami Paul-André Contadini, et ce, jusqu’à nouvel ordre.