Le 25 novembre 2004 (www.unita-naziunale.org) Nouvelle manifestation organisée par la jeunesse Corse (A Ghjuventù Indipendentista, Associu di i Liceani Corsi) pour défendre la langue corse et dénoncée la répression.
LINGUA CORSA UFFICIALE, BASTA A RIPRESSIONE !!!
« Sgaiuffi chì ci vole à lampà in prighjò »,
eccu ciò chè noi, giovani Corsi primurosi di l’avvene di u nostru paese, simu per u statu francese.
È quessa, a ricusemu.
Patriotti Corsi, eccu ciò chè nò simu. Ciò chè nò vulemu ghjè pudè campà libari è in pace ind’è noi.
Dumandemu di pudè amparà a nostra lingua, i nostri usi, a nostra storia in scola. Saria troppu ?
Ci vole à crede la postu chì ogni volta chè nò manifestemu per i nostri diritti u guvernu francese ci manda i so pulizzeri per unica risposta.
Oghje, vuleriamu dì à u statu francese chì nega i nostri diritti , chì u nostru populu esiste è chì noi, avvene di stu paese, saremu sempre quì per difende lu, è ùn ci pianteremu mai di luttà.
Vuleriamu dì à issu statu chì ogni volta ch’ellu ci manderà e so forze di ripressione ci truverà adduniti, è micca intimuriti per difende i diritti di i Corsi è di a Corsica.In fine, mandemu u nostru sustegnu à tutti i giovani Corsi chì, per via di u so impegnu sò stati arrestati, minati, è ghjudicati da un paese culuniale chì ùn capisce nunda à a Corsica è à i Corsi.
LOTTA GHJUVENTÙ, CHÌ L’AVVENE SÌ TÙ !!!
Liceani Corsi
Ghjuventù Indipendentista
.
.
A l'accorta annant'à Google Infurmazione
For Latest Updates Follow us on Google News
Nos dernière informations sur Google Actus
Produit CORSU E RIBELLU
