(CorseMatin) Oghje : prima volta ch’eo parlu à a prima persona in issa cronachetta. L’evenimenti ghjustificheranu forse issu fattu.
Dumenica scorsu :in Parigi per un staziu di furmazione, aghju cumpratu un quaternu per scrive appena nant’à issu staziu prufessiunale in u ghjurnale Rue89. Quì, in issa cità immensa, ci hè tantu à vede, à scuntrà è à scopre. Luni, mi sò avvista ch’eo l’aviu persu. Biscava d’ùn pudè principià à scrive in issu picculu quaternu ch’eo campava quì.
Mercuri :à 11.30, in u lucale di Charlie Hebdo di a stretta Nicolas Appert ci serà vulsutu 15 minuti à l’assassini per stirpà 12 persone è ferisce 11 altri. I fratelli Kouachi anu tombu una squadra, un ghjurnale è po parechje libertà. Libertà di spressione di sicuru ma dinù libertà di stà arrittu, di macagnà, di ride è sopr’à tuttu di campà. U sensu di a parola « terrorismu », traimpiegata in u nostru cutidianu di Corsi, hà pigliatu per mè tuttu u so sensu. Aghju capitu ciò ch’ella era di senti si in periculu à mezu à a cità induve 2 o ùn sò quantu snippers si prumenanu. Ma più di què, hè un paese sanu chì s’hè intesu trimà.
Produit CORSU E RIBELLU
