(CorseMatin) Ùn ci seranu forse parolle ghjuste. Sò ondeci ore è mezu di mane, mercuri scorsu.
Sò à a sede di u ghjurnale Le Point, in Parigi, viale di u Maine. À u terzu pianu. Sò quì per travaglià è d’un colpu pianta tuttu. S’affacca nant’à u screnu di l’urdinatore un dispacciu di l’AFP. « Attentat à Charlie Hebdo, plusieurs morts ». U silenziu si sparghje. Prestu si capisce chì hè accadutu qualcosa di grave. Avianu assassinatu a libertà.
Subitu subitu, a direzzione di u Point face chjode e porte di u bastimentu. Simu inchjustrati da a pulizza. Ùn si sà propiu ciò chì si passa. Noi altri ghjurnalisti simu avvezzi à cumentà l’attualità. Micca a storia.
Si sà solu chì u 7 di ghjennaghju di u 2015 firmerà di sicuru quant’è l’ondeci di sittembre di u 2001. Improntu in e pagine scure di a storia.
In qualchì minutu a realità di u mondu schjatta in faccia à a Francia.
Produit CORSU E RIBELLU
