(CorseMatin) « Per avè l’idee chjare, megliu à avè i pedi in mare. » Un bellu pozzu d’acqua fresca viaghja bè dinù, basta chì a circulazione di u sangue si fessi in furia in l’urganisimu.
Cusì, ballanu l’idee, i prughjetti, l’upinione, è s’accende quella lampanella d’Eureka sopr’à u capu di u beatu chì pò dichjarà : « Aghju un’ idea.»
Tandu semu salvi chì, vennari dopu meziornu, a ghjente hè stata numarosa à intruscià si i pedi marchjendu in u pozzu magicu chì e strade naziunale è dipartimentale diventonu.
Fiumi scatinati, saette cusì vicine è ragnola sciappà vetri. Hè piossu à sechja in cismonte cum’è s’è tutta l’acqua tant’aspettata issi ultimi mesi era cascata in una ghjurnata. Imaghjine chì ramentanu e catastrofe naturale d’Aiti o di u Var
Produit CORSU E RIBELLU
