(CorseMatin) Si n’hè andatu prima d’esse ghjuntu issu Christophe Barbier, colmu di pretenzione è di clichés nant’à noi altri corsi. Difficiule di sbarcà quì cù una valisgia piena d’idee nant’à ciò ch’ellu hè d’esse corsu.
U risicu tamantu d’esse lampatu in mare, minatu da l’incumpreensione è da a zerga di i più scatinati.
Ognunu strazia dighjà, in Corsica, per definisce iss’identità quì. À i cunfini di a storia, di a lingua, è po di u cutidianu. Issi pochi tempi, a bandera sventuleghja assai, cum’è per ridà fiatu à un’ identità chì si cerca. Allora, tutt’ognunu dice a soia cum’è per dà una cunsistenza à ciò chì certi volenu sgunfià. Cum’è per rifà u scialbu d’un casone millenariu chì certi volenu vede sprunfundà. Hè ancu ghjuntu Gérard Darmon nant’à e pagine di Télépoche per dì ci chì certe bombe poste da u fronte sò state meritate.
Produit CORSU E RIBELLU
