#Corse Si n’hè andatu à l’eternu u nosciu amicu di sempri, Oraziu Rossi. 

(Unità Naziunale – Publié le 31 mai 2018 à 19h33) Si n’hè andatu à l’eternu u nosciu amicu di sempri, Oraziu Rossi. 

Tenimu à ramintà l’omu ch’iddu era, bravu è sinceru d’amicizia, militenti è patriottu di sempri, chi purtaia è difindia a noscia idea di una Corsica liberata, sine à u fondu di l’oscuri carceri di u Statu Francesi.

Pienghjiemu oghji unu di i nosci.

Ramintemu à ognunu u sensu di u sò ingaghjamentu chi avemu spartutu incu iddu, è cuntinuaremu à mantena a fiaccula d’issa speranza cumuna.

A tutti i toi, famidda è amichi, l’assicuremi di u nosciu sustegnu.

Ti salutemu amicu caru.

PATRIOTTI
Culletivu di l’Anziani Prighjuneri Pulitichi.