Ùn serà scappata à nimu, l’elezzione senaturiale fermanu oghje ghjornu u più lucale di i scutini naziunali. Hè u ribombu, qualchì mese dopu, di l’elezzione municipale…
È si sà chì à spessu in Corsica, l’omu vale di più chè l’idee. L’elettori ùn prisentanu u listessu versu per e municipale è a presidenziale. Facenu sicondu u so estru.
Di fatti i soli scutini ch’omu pò analizà da veru – s’è n’avemu sta pretenzione – sò l’elezzione europee è quella di u capu di u Statu. Chì osinnò ciuttemu di più in a pulitichella chè in a pulitica. Hè a logica di u partitu.
À le volte in Corsica simu ancu capace à dà u risultatu nanzu à l’elezzione. Di solitu si dice chì u votu hè sicretu, ma forse micca per a signora Natali. Avia fattu i so conti minuti, ma ùn avia pensatu à l’isulatoriu, è po à l’ultima s’hè tiratu un saltu. Ùn vene sfaticata di prisentà si contr’à u presidente di u Cunsigliu generale. Chì dumenica i grand’elettori – chì ùn sò micca sempre gran’citadini – anu vutatu per a maiò parte per quelli chì li empienu a so sporta. Un eserciziu moltu più impurtante in u cuntestu ch’è no cunniscimu. Chì oramai u soldu stringhje in ogni locu è soprattuttu in e piccule cumune cum’è n’avemu à palate ind’è noi.
La suite sur CORSE MATINProduit CORSU E RIBELLU
