Certi ci anu vistu a so furtuna, d’altri a so disgrazia. Ognunu ci hà pensatu à l’indipendenza di a Scozia.
Trà sogni è sunniacci, trà kilt è wiskyzzate. Valia bè un bigliettu d’aviò, issu passu ver di l’emancipazione. Nò ? L’Irlanda a ci hà fatta in u sangue, a Scozia in u turchinu di a demucrazia. In 1400 anni di storia tribbulata, u paese averà cunnisciutu una decina di statuti. Fin’à issa pruposta finale d’indipendenza.
Ma nò, u votu hè statu quellu di u Nò. Nò à l’indipendenza, à iss’orizonte nebbiacosu chì facia a paura à troppu mondu quassù. 55,54 % di i voti anu chjosu a porta à u Yes. Cusì vicina, l’emancipazione di a Scozia s’hè svenuta in l’albore cum’è sdrutta in u fog lundunianu. Eppuru, per una volta in Europa, l’indipendentismu avia una figura simpatica, guasgi « à a moda », « tendance », « trendy », chì dà u laziu à a ghjente di dì di sì, di fà parte di issu mare umanu di ghjente scatinata.
SUITE sur Corse MatinProduit CORSU E RIBELLU
