Un adopru ghjustu di a lingua corsa è u cuntrastu cù altri lingui. – Philippe Castellin, nurmalistu, agrigatu di filusuffia, hè dinò criticu literariu, spicialistu di l’opara di René Char, è pueta. Micca pueta virsificatori à l’usu anticu, ma, senza sguassà u scrittu di sicuru, pueta urali è visuali. Dà capu à a rivista Docks, chi hà una diffusioni internaziunali à parta si da a Corsica.
Fattu u custatu ch’elli vanu pocu è micca i pueti ver di a literatura pà i zitelli, i foli o i raconti, hà pruvatu à scriva calchì fola, è trà altri issu Les_Grandes_Herbes, opara à tempu scritta è visuali. Hà avutu subitu u successu, hè stata prisintata in iscola è letta à a radio, è tandu hè vinutu naturali u prughjettu di fà lu in corsu u testu, cù Dumenicantone Geronimi. U risultatu eccu lu chì esci oghji ind’è Albiana. Da a traduzzioni in corsu, si hè passatu à pocu à pocu ad altri traduzzioni in lingui di u Maditarraniu, talianu, spagnolu è arabu. Ogni traduttori ci hà travagliatu senza cunnoscia a virsioni in l’altri lingui. Hè accumpagnatu u libru stampatu cù un DVD chì rimanda à l’uralitai chì feci nascia i foli. Issu passaghju da u scrittu à a bocca si pò dì ch’ellu hè dinò una forma di traduzzioni. Cusì u cunfrontu trà i lingui, senza sminticà ben sicuru a virsioni francesa, porta assai à a riflissioni intillittuali, è parmetti un travagliu di linguistica cuntrastiva chì faci veda l’uriginalitai d’ogni lingua Chì voli dì traducia ? Basta à guardà u titulu francesu Les Grandes Herbes è u titulu in corsu Ma arba ! par capiscia a diffarenza di pinsamentu ch’elli ponu purtà i lingui parlendu di listessu affari, masimu cù a qualitai stilistica è di a sintassi chì no truvemu quì. Si sà ch’elli sò ghjusti i dui formuli upposti : si pò traducia tuttu, ùn si pò traducia nienti.
article publié le 14 février, à lire ci dessous
(…)
CorsicaInfurmazione.org by @Lazezu
Revue de Presse et suite de l’article :
Mensuel CorsicaCorsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
