Elezzione Municipale in Bastia : A Manca era sta manu indè a permanenza elleturale di Corsica Libera pè rimette una cummunicazione ufficiale :
Dopu pigliate in contu e diverse cumunicazione ricacciate da u prugramma puliticu di Corsica Libera per l’elezzione municipale di Bastia, A Manca vi prega di riceve a so pusizione ufficiale.
A vostra pusizione contr’à u prugettu di u Portu di a Carbonite hè à contu nostru a più chjara. Nant’ à stu puntu puliticu di primura, a vostra andattura chì s’oppone à l’interessi di i capitalisti chì si volenu impatrunisce di Bastia, à noi ci cunvene. Hè di fattu un’ opposizione à certi interessi speculativi è mafiosi in relazione incù stu prugettu.
Avemu lettu dinò a vostra vulintà di primurà vi di a questione suciale. Di sicuru, a maiò parte di i Bastiacci sò travagliadori, artisgiani è a maiò parte di ste forze vive sò di più in più tribbulate da a precarità. A demucratisazione di u dirittu à l’alloghju suciale currisponde à un bisognu cullettivu maiò per fà la finita incù e cumbrìcule feudale di u clanu.
Per ciò chì tocca à i punti storichi di a rivendicazione naziunale, per i diritti di u populu corsu, sopra tuttu à u nivellu di u dirittu à a cultura è a piazza di a lingua in Bastia, simu d’accunsentu, ben intesu incù e vostre pruposte.
Quand’è vò parlate di a necessità di sparte di manera più ghjusta i mezi di a pulizza municipale inde i quartieri pupulari, currisponde dinò à un bisognu cullettivu. Basta à sbarazzà si di u deliriu securitariu di i pupulisti francesi.
Per tutte ste ragione, A Manca farà vutà è chjamerà à vutà, cum’è hè statu dighjà fattu qualche settimane passate, per a lista di Corsica Libera.
Rispettemu a vostra scelta suvrana, ma sicondu u nostru parè sarià impurtantissimu di ripiglià a pusizione di Ghjuvan’ Guidu Talamoni di pettu à u votu FN. U pesu di issu votu FN inde a ghjuventù in Bastia hè un periculu tremendu per u Muvimentu Naziunale sanu sanu. Stu votu francese hè un votu per cundannà à morte u populu corsu.
Saluti patriotichi.
A Manca ( Sezzione Bastia )
(…)
CorsicaInfurmazione.org by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
