(Unità Naziunale – publié le 30 avril 2018 à 15h31) Com’a parmetti l’articulu L. 421.24 di u Codu di l’educazioni chi dà à a Cullitività di a Corsica a cumpitenza di a dinuminazioni di i stabilimenti pubblichi d’insignamentu, è in rispettu di a deliberazioni di u Cunsigliu d’amministrazioni di u Culleghju II di Portivechju hé stata addupratu a pruposta fatta à u nomu di u gruppu Corsica Libera di u nosciu amicu Micheli Giraschi.
Issa pruposta da à u culleghju II di a noscia cità u nomu di Maria de Peretti.
Maria de Peretti era di Conca. Era in tempu d’issa guerra scura di u vintesimu seculu una risistenti. Arristata da a pulizia francesa e tedesca, sarà dipurtata à u campu di a morti di Ravensbrück. Parlendu di Maria de Peretti in u s libru » J’ai donné la vie dans un camp de la mort « , Madeleine Aylmer-Roubenne scrivarà : « Je pense très précisément à la doctoresse Peretti Della Rocca, à mère Marie-Elisabeth, à la doctoresse Tchenka, pour ne citer que des mortes… Ces femmes sont des figures dont l’humanité ne peut que s’enorgueillir et qui nous permettent de croire en l’homme. »
U Riacquistu di Portivechju si felicitighja d’issa dinuminazioni chi ramenta à ugnunu u ricordu di tutti quiddi chi hani luttatu contr’a l’autoritarisimu fascistu e nazistu e chi sunighjani d’un mondu libaru.
++ infurmazione Maria de Peretti
Produit CORSU E RIBELLU
