Missu in ballu pochi ghjorna fà, u culletivu di i famiddi di i prighjuneri di u rughjonu pariginu ha ramintatu a l’upinioni corsa a rialità di a situazioni attuali di l’incarcirati pulitichi. Nanz’à iddu a Ghjuventu Indipendentista ha dinò tistimuniatu u so sustegnu inc’una accolta dananzi à u cummissariatu in Bastia. In u stessu tempu i prighjuneri spatriati e spapersi in i prighjò francesi faciani azioni di prutesta.
Di fattu, un hè cambiata a sorti di i prighjuneri pulitichi corsi. So sempri alluntanati da a Corsica, isolati e sparguddati. Ferma sempri d’attualità a rivindicazioni d’avvicinamentu, primu passu d’un andatura d’arrigulamentu puliticu di u Fattu Naziunali Corsu e chi parmittarà tandu di sbuccà nant’a libarazioni di tutti i ditinuti pulitichi corsi. Cume l’ha chjaramenti ditta l’associu « Sulidarità » in u so ultimu cummunicatu di stampa (u 22 d’uttrovi di l’annu 2013) : « Cette mobilisation démontre une fois de plus l’urgence de la mise en application des lois françaises et directives européennes sur le rapprochement familial des détenus qui ne sont toujours pas appliquées par l’Etat français en ce qui concernent nos prisonniers politiques. »
Pa contu meiu, ramintaraghju a noscia mubilisazioni quandu eru ditinutu cu d’altri in a prighjò di Fresnes. Una mubilisazioni custruita incù strategia e chi, pocu à pocu, ha parmissu una presa di cuscenza, postu chi tutti l’eletti di a culletività tarrituriali si so ritruvati in Parighji pà strappà u drittu a l’avvicinamentu. Issa mubilisazioni era dinò appughjata fora, incu i famiddi e l’associ di sustegnu.
L’azioni attuali di i ghjovani ditinuti Niculau Battini e Arrigu Marras hè da salutà. Hè a prova chi un prighjuneru, ancu s’iddu hè chjusu hè quantunqua capaci di participà à a lotta di u so paesu e di tistimunià di a so lotta pà urispettu di a so dignità umana.
L’azioni mosciani supratuttu chi l’ingaghjamenti piddati da u guvernu francesu un so tinuti e chi tocca à i forzi naziunali di mubilizzassi pà strappà issi cateni d’inghjustizia. Hè vera chi oghji hè spiccata a sulidarità,in seguita à i divisioni ntarvinuti in Corsica Libara. Ma i prublemi di l’avvicinamentu, e di i prighjuneri si ponini sempri e à u mumentu induva si parlà di pussibilità d’andatura nova pa’ a Corsica, ùn saria che ghjustizia di rigulàli postu chi ù si po pinsà rigulamentu puliticu senza rigulamentu di a sorti di tutti i ditinuti pulitichi corsi.
Al di là di a cunghjuntura di l’alizioni municipali, tocca à l’associ di sustegnu è i muvimenti naziunali à piddà l’iniziativi serii contr’a issa riprissioni ghjudiziaria. Tocca dinò à tutti l’eletti ch’erani d’accunsentu incù u drittu àl’avvicinamentu di fallu rispittà da u Statu Francesu
L’ha scritta Niculau Battini pochi mesi fà : « Chi la mio sorte strazziata vi dessi a forza di tene alta a bandera da fà campà l’omu corsu liberu nant’à a so terra! »
A ognunu e pa tutti di suminà i granedda di l’avvena, di a libartà, e di a Corsica Nazioni !!!
Ulivieru SAULI (Anzianu prighjunieru puliticu)
(…)
by @Lazezu
Revue de Presse et suite de l’article :
REGROUPEMENTCorsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
