#corse – « Vulemu chi a lingua corsa sighi adduprata in tutti i spazii di a sucità » U Riacquistu di Portivecchju

I nosci sfarenzi pulitichi incù a maghjurità municipali – particularmenti in a scelta di l’ecunumia residenziali chi spatrunisci i corsi – un ci impidiscini di essa suddisfatti quandu i so iniziativi vani in u sensu di u bè cummunu. A so scelta di favurizzà l’usu di a noscia lingua hè da suttulinià.

Di fatti avemu da suvità u so  travaddu ingaghjatu in u filu di u so pianu d’accunciamentu e di sviluppu linguisticu di u rughjonu. Pà contu nosciu, si a lingua hé ben sicuru di tutti, un si po micca sminticà tutti quiddi chi dipoi anni e anni si so battuti pa ch’idda campessi in a vita ughjinca. Vulemu chi a lingua corsa sighi adduprata in tutti i spazii di a sucità, ch’idda sighi a noscia prima lingua cum’idd’era innanzi è chi chi’dda sighi impiegata tutti i ghjorni in a vita pubblica è in u privatu.

Pidemu in contu u travaddu fattu annant’a tupunimia di i carrughja, quartieri è pasciala. Cunoscia I nomi, u passatu di sti carrughja, quartieri è pasciala hè cunoscia a noscia storia. A lingua ùn hè qualcosa d’artificiali, lingua è storia so intriciati.

Metta in valori è apra siti storichi o musei à u pubblicu saria un passu in più versu a cuniscenza di a storia di u rughjonu . Da anni è anni i sforzi so fatti pà favurizzà i beddi loca è u turisimu di massa è si smintica o si faci à posta  di metta in valori u nosciu patrimoniu storicu o ambientali . T’avemu una storia ci ni duvimu impadruniscia. Spiremu chi sta siconda tappa vinarà naturalmenti dopu à stu travaddu annant’à tupunimia

Pà u  mumentu salutemu dunqua a missa in applicazioni di a cartula di a lingua chi devi parmetta à a noscia lingua di ritruvà a so piazza in a vita cumuna (ducumenti amministrativi, furmazzioni di parsunali, signaletichi corsi, ecc…). Speremu din chi al di là di Portivecchju, i nosci eletti di a Culletività tarrituriali saparani strappà à ù guvernu francesu a ricuniscenza storica di a primura naturali di a noscia lingua.

U RIACQUISTU DI PORTIVECCHJU

Revue de Presse et suite de l’article  : 

Sur le Journal de la Corse, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI), sur Corse Matin, sur Alta Frequenza, sur RCFM

Vos Réactions, vos commentaires sur Ce forum ?

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale] Vous aimez cet article ? Faîtes-en profiter vos amis !