#Corse A sezzione STC di a Culletività di Corsica « prega ch’elle sianu pigliate in contu e so rivindicazione per u 14 di marzu »

(Unità Naziunale – 12 mars 2018 – publié à 20h23) Dapoi una settimana sò iniziate, cù l’amministrazione, reunione di travagliu nantu à a preparazione di u Cumitatu Tennicu.

In questa occasione avemu prisentatu e nostre rivindicazione, spessu reiterate.

1. L’equilibriu territuriale, chi hè una rinvidicazione accertata da u STC, ancu da nanzu à a fusion di a nostre culletività: un’affissera chjara di st’equilibriu in pettu à l’urganigramma.
2. Une necesità assoluta d’identificà una Direzzione di e Risorse Umane, sguagliata oghje in u polu Risorse Umane è chi sia accessibile à tutti l’agenti nantu à territoriu sanu.
3. A primura di definisce cu precisione u quatru d’intervenzione di l’incaricati di missione è prevede a valutazione di ste missione.
4. L’interessu di e Direzzione finanziare è amministrative in e DGA operazionale ? Per noi, s’agisce d’una cellula o d’un polu, chi sia u referente di a Direzzione Generale di e Finanze.
5. A diffusione di a lingua corsa à l’internu : secondu à u pianu lingua 2020, a nostra amministrazione deve diventà bislingua, cume rende lu operaziunale ?
6. Infine aspettemu chi l’amministrazione, ben ch’ella fussi digià stata dumandata, presentessi l’impattu finanziaru di sta nova urganizazione nantu à a mansa salariale. A mansa di i quatri superiori, ùn deve mercà l’armunizazione di u RI per l’inseme di e categurie.

A sezzione STC prega ch’elle sianu pigliate in contu e so rivindicazioni per u 14 di marzu. Di e risposte chì ci seranu fatte prucederà u nostra avisu.

A POPULU A FATTU BISOGNA MARCHA.

STC di a Culletività di Corsica