(Unità Naziunale, Corsicainfurmazione.org, lutte de masse, publié le 17 avril 2025) Ghjovi u 17 d’aprili di l’annu 2025 hè ghjurnata intarnaziunala di sustegnu à i prighjuneri pulitichi.
« Patriotti in lotta » porta u so sustegnu puliticu è fraternu à tutti i prighjuneri pulitichi chi in u mondu portanu lotta è risistenza par a libartà di i so populi è nazioni nigati In st’annu novu ramintemu particularmenti a situazioni di i prighjuneri palestiniani : so 9900 ditinuti in u paesi d’Israëlu, incu 400 ziteddi. Ci so dinò 3500 prighjuneri in ditinzioni amministrativi. Tutti so incarciarati incu disprezzu di u drittu intarnaziunali. « Patriotti in lotta » ramenta a nicissità d’una soluzioni pulitica tinendu contu di i condizioni storichi chi opponini u Statu Israelianu è u Populu Palestinianu, è appoghj’a dumanda di libarazioni di i prighjuneri chi hè un passu maiò par a paci. « Patriotti in lotta » ramenta chi in Francia ci sò sempri prighjuneri pulitichi fra quali paisani corsi. U casu di Stefanu Ori metta in rilievu un accanimentu ghjudiziariu ripressivu d’isulamentu carciarali chi ha duratu chi troppu. À u mumentu chi si cunosci discussioni par una nova évoluzioni stituziunala par a Corsica e chi certi misuri ripressivi cumu u « Fijait » so stati ufficialmenti arristati, sarà un mumentu impurtanti par u Statu francesu di fà la finita incu a so pulitica di riprissioni contr’à u Muvimentu patriotticu corsu. « Patriotti in lotta » dumanda a libarazioni di Stefanu Ori è l’arrestu di tutti i misuri ripressivi. PAR A PACI, PAR A RICUNISCENZA DI U DRITTU À SCEDDA DA PAR IDDI U SO AVVENA PAR I POPULI È NAZIONI SEMPRI NIGATI, PAR A DIMUCRAZIA È A LIBARTÀ. PATRIOTTI IN LOTTA
Journée des « prisonniers politiques », le contexte international et #Corse depuis 50 ans.
Produit CORSU E RIBELLU
