(Unità Naziunale – Lutte de Masse – Publié le 16 Novembre 2024) Action de Core In Fronte pour dénoncer la spéculation immobilière à Coti Chjavari.
(Corse Matin) Ce samedi 16 novembre, une dizaine de militants ont tenu une conférence de presse sur une propriété située à Coti Chjavari, mise en vente au prix de 845 000 euros. Les indépendantistes dénoncent la dépossession et la spéculation foncières. Les propriétaires continentaux s’en défendent et livrent leur version.
(Alta Frequenza)
(FR3Corse)
(Corse Net Infos)
(RcfM)
—*
Voici le texte de la conférence de presse :
Oghji semu chivi in Arabona, paesu di Coti Chjavari. A ci hani dumandatu l’aghjenti di sti
loca.
Simu chivi par tistimunià sulidarità à un paisanu, chi vidi u so circondu di vita, pasciali di a
cumuna, attacatu da u francesu suldaghju.
Simu chivi par ricusà incù iddu ciò chi stu francesu, simbulu di a culunizzazioni di
populamentu, ha impostu quandu s’hè stallatu vicinu vicinu à a casa di Lavisu Antona.
Simu chivi par cumbatt’a pesta di di u spussessu di a tarra, di a cumprera spiculativa di a
tarra, di a logica finanziara di a tarra chi distrughji ciò chi faci parta di a noscia manera di campà,
di a noscia cultura è di i nosci usi. Di ciò chi faci chi noi semu un Populu è micca una simplici
agglumerazioni senza passatu né avvena.
Simu chivi par ramintà à tutti sti francesi è altri spiculatori chi ùn si primurighjani di u
nosciu distinu , chi sta tarra hè noscia e nessun ci sò pratenda. Supratuttu quandu hè ughjettu
di solu raghjunamentu marcanti e spiculativu in mani di st’ agenzi immubiliari chi si
n’impippani di u bè cummunu.
Una volta di più, oghji femu cunoscia i nosci pruposti. À l’autorità cuncirnati di piddà i so
rispunsabilità s’iddi volini participà à custruiscia Corsica spannata.
Dumandemu :
▪ Una pulitica cumunali à pro di i pasciali e di i so lighjittimi abitanti.
▪ Una pulitica cumunali à prò di l’aghjenti di u locu par pudè travaddà e campà in tarra
soia.
▪Un Statutu di residenza di 10 anni par cumprà una casa, un tarrenu.
•Un parmissu d’affittu.
•Una Limitazioni d’affittu incù un solu mobulatu pà foculu fiscali.
•A cumpetenza e a maestria ghjuridica à a Culletività di Corsica d’auturizzà lucazioni di
mobulati à vucazioni turistica.
Par quissa ci appunimu dinò à sti sarpi di u tempiu immubiliariu chi hani trovu sta coppia
ghjunghjitticcia « Lautier – Jouval » par cumprà 5200m2 di tarrenu è casa par 517 200 euro.
L’area di sta casa era di 81 m2, hè stata purtata à 120m2. Sta coppia prova oramai di rivenda a
casa per 845 000 euro…
Qual’hè chivi chi po cumprà una casa à tal’ prezzu ? I corsi, ghjovani o no ùn hannu
mezzi…
Eccu comu cambiani i nosci loca di vita. Par forza è pesu di u soldu rè i paisani sarani i
prossimi abitanti di I ghjaddinaghji umani di dumani….
Quissa ùn l’accitemu micca.
Semu chivi par dì à u francesu cumpradori chi mai un sarà padronu di i nosci rughjona,
pievi e paesi.
Semu chivi par chjamà tutti i paisani, in ogni paesi e pasciali di Corsica à urganizzà si e fà
fronti di pettu à u spussessu e à tutti i pulitichi e puliticanti , chi servini l’intaressa particulari
francesi.
U nosciu missaghju hè chjaru :
TARRA CORSA À I PAISANI CORSI !
DA PAR NOI FEMU SENTA A NOSCIA VOCI PAISANA. PAR
CAMPÀ, DICIDA È TRAVADDÀ IN PAESU.
DA PAR NOI, MANTINIMU E CUSTRUIMU A CORSICA
NOSCIA.
CORE IN FRONTE
Produit CORSU E RIBELLU
