(Unità Naziunale – Lutte de masse – Publié le 4 novembre 2024) Core in Fronte porta u so sustegnu à i patriotti corsi chì passanu in processu, da u 5 à u 13 di nuvembre in Parigi.
U nostru amicu militente Petru Baldacci, infirmieru à l’uspitale di Bastia, patriottu schietu è sinceru, serà ghjudicatu incù altri patriotti corsi cum’è
Federiccu Pellerin, Jean-Pierre Santini, Thierry Difraya è una dicina d’altri corsi.
U 6 d’ottobre di u 2020, eranu stati arrestati, mandati in Parigi è incarcerati.
Li hè rimpruveratu , una mossa clandestina, in u 2020 à u nome di u FLNC.
U cuntestu di i fatti era quellu di un Guvernu francese chì ùn sentia a vulintà demucratica di a Corsica. Ùn c’era dialogu incù Jacqueline Gourault chì purtava l’eletti corsi in fole è canzone.
Parechji patriotti vulianu cambia sta situazione lampendu issa chjama clandestina.
A piazza di sti patriotti ùn hè in prigiò ma in Corsica, à u travagliu ò a fiancu à e so famiglie.
Oghje simu sempre à sicutera.
A speranza manca è a Francia ferma fosca nant’à a so vulintà di truvà un vera soluzione pulitica in Corsica.
Cuntinueghja a so pulitica ripressiva.
Dui anni dopu a morte di Yvan Colonna è a rivolta populara di i Corsi è di a so ghjuventù, u Statu francese deve capì chì a ripressione ùn hè mai statu un mezu puliticu è deve andà versu un veru prucessu pè l’avvene è a supranità di a Corsica.
A quistione naziunale corsa hè pulitica è a so soluzione dinò.
LIBERTÀ PÈ I PATRIOTTI!
Core In Fronte
04 / 11 / 2024
Revue de presse – Procès du FLNC dit du « 14 juillet 2020 » – #Corse
Produit CORSU E RIBELLU
