(Unità Naziunale – Dolu – Publié le 30 décembre 2023) U PNC saluta a memoria di Maurice Luciani, figliolu di Niolu è militente di a Causa Corsa, partutu per u sempre à l’Eternu.
Era eredu di e prime famiglie chì si sò arrizzate tandu per difende u dirittu sacru di stu Populu è cumbatte senza trimà l’inghjustizia è l’ordine culuniale.
Cù una fede tamanta, una vulintà è un’impegnu tremendu, hà fattu sventulà ellu dinò a bandera à testa mora nant’à quella strada petricosa di e lotte storiche.
Oghje a Corsica perde un figliolu caru, naziunalistu di stintu, curagiosu è sinceru.
A so morte ci punghje è ammanta di tristezza è di pena u nostru paese sanu.
À nome di ciò ch’è no purtemu è di ciò ch’è no pratendimu per a Corsica, purghjimu cun affettu e nostre cunduglianze afflitte à tutti i soi, turnendu à rende un’umagiu sulenne à u resistente ch’ellu fù.
À ellu dinò a Corsica Regina è l’abbracciu di a libertà di sempre…
Jean-Christophe Angelini Maurice Luciani nous a brutalement quittés. C’est pour sa famille, pour le mouvement National, ses militants les plus anciens et tous ceux qui l’ont connu, un déchirement et une perte immense. Son engagement pour la terre, sa foi militante, son humanité rayonnante nous manquent déjà. Je veux dire à tous les siens mon amitié et ma compassion en ces heures si difficiles. Cundugleanze afflite à tutti. Ch’ellu riposi in pace, figliolu di stu locu santu, a terra di Corsica, pè l’oramai.
Partitu Femu a Corsica – Si n’hè andatu à l’eternu Maurice Luciani. A Corsica perdi un figliolu fidu è indiatu à prò di a so terra è di u so populu, eredi d’una famiglia di patriotti impignati in i primi lotti. Femu A Corsica porghji i so cunduglianzi afflitti à i soii. À tè la Corsica regina…
Gilles Simeoni Si n’hè andatu u nostru amicu è fratellu Maurice Luciani. Arradicatu ind’è u so ceppu niulincu, degn’eredu d’una famiglia di patriotti, era un’ardente difensore di a tarra è di u populu. Pienghjimu incù i soii è simu à fianc’à elli.
Ghjuventù Indipendentista A Corsica è u mondu naziunalistu anu persu un grande militante di a causa Corsa. A Ghjuventù Indipendentista s’attrista di a scumparsa di Maurice Luciani. Hà cunsacratu a so vita per a nostra terra, u nostru populu, a nostra cultura è hè sempre statu à fiancu à a ghjuventù. A Ghjuventù Indipendentista prisenta e so cunduglienze è porta u so sustegnu à a famiglia Luciani. Ch’ellu riposi in santa pace.
Jean-Guy Talamoni Riposa in Santa Pace. Duleanze sincere à a famiglia.
Corsica Libera À Maurice Luciani, militante indiatu dipoi u principiu ind’è a lotta naziunale incù fede patriotta è curagiu di pett’à tutt’e prove di a vita. U so ricordu ci accumpagnerà per u sempre, cum’è quellu di u so babbu valurosu. Ind’è ste stonde dulurose, ci tenimu à cant’à i soi è l’assicuremu di u nostru sustegnu fraternu. Oghje u to populu amatu Per tè si veste di dolu Tante piente à perde fiatu Chì u so caru figliolu Ùn li serà più à latu Cumu truvà u consolu.
Produit CORSU E RIBELLU
