(Unità Naziunale – Lutte de masse – Publié le 23 septembre 2023) Selon France3Corse (<–lien ici), c’est un coup dur pour Scola Corsa et une menace pour l’enseignement de la langue corse dans le privé.
En juin dernier, la collectivité de Corse avait voté une subvention de plus de 2 millions d’euros pour l’association dans le cadre de l’immersion au service de l’apprentissage du Corse. Deux mois plus tard, dans un courrier, le préfet de Corse s’est opposé à cette délibération.
Quelques réactions politiques, associatives et culturelles :
Cummunicatu Scola Corsa « Suvvenzione CDC » Dopu à l’annunziu, palisatu da a stampa, d’una lettera prefetturale mandata à a presidenza di l’Esecutivu di a CDC è à i so servizii, Scola Corsa tene à rasserenà tutti i membri di u so retale (impiegati, famiglie è sustenitori). Neguziazioni tecniche sì sò messe in anda da truvà suluzioni bugettarie, amministrative è giuridiche da perennizà u funziunamentu di a struttura in un quatru securizatu. Siamu cunvinti ch’elle sbuccheranu prestu prestu ste discussioni à fin’ di perseguisce u svilluppu d’un mudellu chì susciteghja adesione è entusiasimu criscente è chì dimostra un acquistu di cumpentenze sempre di più maiò è ricunnisciute da tutti. —- Suite à l’annonce relayée par la presse, d’une lettre préfectorale envoyée à la présidence de l’Exécutif et à ses services, Scola Corsa veut rassurer tous les membres (employés, parents et partenaires) de son réseau. Des négociations techniques sont actuellement en cours pour trouver des solutions budgétaires, administratives et juridiques afin de pérenniser le fonctionnement de notre structure dans un cadre sécurisé. Nous ne doutons pas que ces négociations aboutiront très rapidement afin de poursuivre le développement d’un modèle qui suscite adhésion et enthousiasme grandissants et fait la démonstration d’une compétence toujours plus accrue et reconnue de tous.
I Voci Di a Gravona A sapemu bè chi ‘istituzzione francese un ci facenu rigalu. E ancu di più incù e discurzate per l’avene di à nostra terra. A lingua corsa un basta à impara la à scola. Tocca à noi tutti. E à tutti quelli chi quand’elli ne anu una techja insulatanu i francesi … U fatu militante un si pianta à un discorsu naziunalistu in francese … o una parola in corsu di tantu in tantu davanti à qualche personne. Cum’è certe persunnalità facenu dinò. A difesa di à nostra lingua ghjè una lotta d’ogni ghjorni fendu ciò chi ci vole per continuà à parlà à lingua. Parchè u ghjornu che un parleremu più à nostra lingua. Ste persunnalità e altri diceranu incù u surisu di à vittoria…. » quì ci campavani i Corsi ». Parlate à lingua. Dumandate à parlà incu quelli chi anu à maestria. Fate i sbagli. Fate vi ripiglià. E un cappiate mai………. Lingua corsa lingua viva.
Gruppu L’arcusgi Venimu d’amparà a decizione di u prefettu Amaury de Saint-Quentin chì s’hè mossu contru à una deliberazione di l’Assemblea di Corsica chi accurdava una suvvenzione à Scola Corsa, deliberazione vutata à l’unanimità di ghjunghju scorsu…! Ind’u filu di a difesa di a nostra cultura,di a nostra storia, è di i nostri diritti naziunali, di pettu à sta pedica contr’a nostra lingua, mandemu u nostru sustegnu à Scola Corsa – Federazione è l’accertemu di a nostra presenza à fiancu …
Cullittivu Parlemu Corsu Rimissa in casu, da a Prifittura, di i suvvanzioni accurdati à Scola Corsa… Eccu una azzioni di bassa pulìtica… un gattivu segnu in pirìudu di niguziazioni… U più chì faci a paura à u Statu francesu è à i so sbira è ch’è no sàlvimi a noscia lingua è a noscia cultura. SULIDARITÀ TUTALI CÙ SCOLA CORSA
Le soutien de Corsica Libera
[SCOLA CORSA – LINGUA CORSA] St’ultime ore emu amparatu chì u prefettu Amaury de Saint-Quentin s’hè mossu contru à una deliberazione di l’Assemblea di Corsica, vutata à l’unanimità di ghjunghju scorsu, chì accurdava una suvvenzione di 2 857 152 d’euri à Scola Corsa (sguasi 68% di u bugettu) per permetteli di mantene e so attività d’insignamentu immersivu di a lingua mentre e trè prussime annate. Per via di sta manuvra pulitica, travistita d’argumenti ghjuridichi, l’istituzione prefetturale francese, riaffirmeghja a so voglia d’inciampà è di ricusà, tuttu ciò chì và in u filu di ciò chè no rivindichemu dapoi anni è anni è chì face oramai cunsensu in Corsica. Pulitica hè issa decisione quant’è quella d’opponesi à ogni carattaru ufficiale di a lingua in u spaziu publicu. Pulitica hè quant’è quella d’annullà u cuncorsu d’agregazione di lingua corsa in u 2024. Pulitica hè quant’è quella di ùn sviluppà a crescita di l’offerta immersivu ind’è e scole publiche malgradu l’obbiettivi affissati à l’epica di a « cunvenzione lingua corsa 2016-2021 » ghjunta à fine sò più di dui anni senza ch’ella primuressi u Cunsigliu esecutivu di Corsica, induve u quale ùn hè d’altronde incaricatu nimu di a pulitica linguistica. A messa in periculu di l’andatura di Scola Corsa da sta decisione deve move e cuscenze è e cervelle ind’è noi tutti. Sò 250 anni di culunialismu francese è ne simu sempre à listessi punti, prima anu nigatu a nostra lingua nu e so scole, l’anu pruibbita è disprezzata è oramai, dopu ad avè cedutu qualchì avanzata di pettu à a lotta naziunale, cuntinuveghjanu à casticà e nostre scole è i nostri figlioli. Per a lingua è per l’inseme di i nostri diritti naziunali, hè ora di resistenza è di soluzione pulitica vera. Intantu, ùn si pò accittà chì un’arnese di salvaguardia è di sviluppu di a nostra lingua possi esse minacciatu da issa pulitica di Statu è chì decine è decine di i nostri zitelli, una cumunità educativa sana, tutte e famiglie è ghjente impegnate ind’è st’andatura, patessinu di a vuluntà inchjuccuta di Parigi di strughje tuttu ciò chì ci face da Corsi. Di pettu à sti tempi di strapazzi assicuremu l’associu Scola Corsa – Federazione di tuttu u nostru sustegnu è di a nostra prisenza à fiancu à ella.Le soutien de Core In Fronte
U Prefettu di Corsica, Amaury de Saint-Quentin, hà decisu d’attaccà una deliberazione di l’Assemblea di Corsica, chì dava, à l’unanimità, una suvenzione publica à Scola Corsa. Ùn ferà crede à nimu chì hè pè una ragiò ghjuridica ch’ellu hà fattu un ricorsu. Sta decisione hè pulitica, hè quella di un Statu francese chì ferma ghjacubinu è chì cerca sempre à tumbà a nostra lingua naziunale. Allora chì ci sò discussione pulitiche, Core in Fronte hà ramintatu à Gérald Darmanin chì a lingua corsa hè una rivendicazione maiò di i naziunalisti è chì dumandemu, in u quadru di un veru statutu d’autunumia, a cumpetenza di l’insignamentu. À i Corsi di fà campà, da per elli, a so lingua.
Produit CORSU E RIBELLU
