[Dolu] Si n’hè andatu Max Simeoni, militente storicu di a Causa Corsa – #Corse

AnToFpcL™ 9 septembre 2023 Simeoni Max

(Unità Naziunale – In Dolu – Publié le 9 septembre 2023) Max Simeoni s’est éteint ce samedi 9 septembre, en ce 80ème anniversaire de la libération de la Corse, à l’âge de 94 ans.

Médecin de profession comme son frère Edmond, il a consacré sa vie à la Corse : il participe à la création du CEDIC (Comité d’Études et de Défense des Intérêts de la Corse) en 1964, il est l’un des fondateurs de l’ARC en 1967. Il a été de tous les combats historiques Il a été élu UPC à l’Assemblée de Corse de 1984 à 1992, avant d’être député Européen de 1989 à 1994 Il était aussi une plume éminemment politique du journal Arritti dont il a été l’éditorialiste jusqu’au dernier jour. Max Simeoni hè statu un ardenti difindidori di u Populu Corsu, ch’iddu avia sempri à cori.

Alta Frequenza prisenta i so dulianzi sinceri à i soi tutti
(Alta Frequenza)

u PNC Max Simeoni, omagiu sulenne di u Partitu di a Nazione Corsa à u patriottu antivistu di a Causa Corsa. Cù rispettu prufondu è sulennità, u PNC saluta a memoria di Massimu Simeoni, militente storicu di a Causa Corsa. Fù di l’antivisti ch’anu mossu in l’entre di l’annate sessanta per prumove l’idea naziunale muderna chì ci porta sempre oghje ghjornu. Da i primi cungressi di l’ARC à a deputazione auropea, hè statu unu di quelli ideuloghi patriotti è attori maestri di a rivendicazione ch’anu accumpagnatu a storia pulitica di a Corsica contr’à u culunialisimu è per a libertà. Stamane si n’hè partutu cù e so prove, i so fatti, i so ricordi di i primi ghjorni di lotta sin’à quelli di u seculu 21, ma dinò cù tante ragiunate, discorsi è scritti chì paliseranu sempre sta forza mai arresa d’un’indiatura à prò di stu paese. À tutti i soi, di core è di stintu, e nostre cunduglianze afflitte è u nostru sustegnu patriottu . À Max, a preghera pietosa di sta terra è l’abbracciu fraternu d’un populu sempre vivu. Ch’ellu riposi in Santa pace in terra nostra.

Corsica Libera Si n’hè andatu à l’Eternu Max Simeoni. Hè statu di i primi naziunalisti di i tempi muderni. Impegnatu assai ind’è e mosse à prò di a difesa di i dritti di u populu corsu, serà statu un militante sinceru di a causa naziunale corsa. Corsica Libera prisenta e so parte e più afflitte à tutti i soi. Ch’ellu riposi in Santa Pace.

Sulidarità Addìu Max … S’hè ne andatu à l’eternu Max Simeoni , à l’età di 94 anni. Da u sessanta à u s’ultimu soffiu, da a machja à u parlamentu auropeu, Max fù di tutte e mosse, di tutte e lotte per a difesa di u nostru populu. Per riassume a vita di Max Simeoni, abbastanu dui parolle : ARRITTU è STRADA SPUTICA . Arrittu di fronte à i nemichi di a Corsica, Strade sputica di pettu à e trappule di a pulitica. Max fermerà una « cuscenza » di u naziunalisimu corsu mudernu. A à so famiglia, Sulidarità prisente e so cunduglianze afflite.

Jean-Christophe Angelini Max Simeoni si n’hè andatu à l’eternu. Militant infatigable, pétri de justice et de liberté pour notre peuple et notre terre, il a marqué l’histoire de la Corse contemporaine. Cundugleanze afflite à tutti i soii.

Ghjuventù Paolina  Artigianu di tanti cumbatti cù Edmond è Roland i so frateddi. Max Simeoni era un punteddu di a lotta di liberazioni naziunali. Fundatori di l’ARC hà apartu una strada nova cù tant’altri in una Corsica chì avia a paura d’essa sè stessa. 𝗖𝗵’𝗲𝗱𝗱𝘂 𝗿𝗶𝗽𝗼𝘀𝗶 𝗶𝗻 𝘀𝗮𝗻𝘁𝗮 𝗽𝗮𝗰𝗶

Jean-Guy Talamoni  Si n’hè andatu Max Simeoni. Era unu di quelli chì, tanti anni fà, anu principiatu à sveglià una vechja nazione addurmintata. Ch’ellu riposi in pace.

Paul André Colombani Si n’hè andatu à l’eternu Max Simeoni. A Corsica perde unu di i so militente di a prim’ora chì hà passatu a so vita à luttà à prò d’un ideale corsu. Medicu passiunatu è umanistu, indiatu à prò di a ghjustizia è di a libertà, hà sempre difesu a so terra, u so populu è i so diritti. Cù tanta emuzione è rispettu, prisentu e mo parte sincere à tutti i soi. Ch’ellu riposi in Santa pace.

Fà Populu Inseme – Assemblea di Corsica S’hè spentu Max Simeoni, unu di i fundatori di u naziunalisimu corsu. Lascia daretu à eddu u ricordu d’un militanti di prima trinca, d’un omu di stintu è di valori, sempri impignatu pà u Populu Corsu è i so diritti. Pinsemu à a so famidda, à i so amichi, è à tutti i so cumpagni di strada. « A tè a Corsica Regina…

STC Si n’hè andatu Max SIMEONI. A so vita sana hà purtatu altu l’idea naziunale senza mai stancà. Omu di stintu, di valore, fù ellu di tutti i cumbatti per l’idea di una Corsica libera. U populu corsu perde quì unu di i so più ardente difensore. A nostra indiatura à tutti hà pigliatu radica in core di a so lotta. A cumissione esecuttiva di u SINDICATU di i TRAVAGLIADORI CORSI prisenta e so cunduglianze afflitte à tutta a so famiglia. SENTIMENTI FRATERNI

A Manca  S’hè spentu Massimu Simeoni. Salutemu a mimoria di un patriottu discretu è sinceru, impegnatu dipoi sempre inde a lotta pè i diritti di u populu corsu. Prisentemu e nostre cunduglienze afflitte à i soii. A Manca

Senatore Paulu Santu Parigi  Trista nutizia, si n’hè andatu Max Simeoni hà righjungne l’aldilà di l’omi di prima trinca. Aghju avutu l’onore di sparte tante stonde è tante lotte à fiancu à ellu. Umanistu, era à l’iniziu di tanti ideali di suvranità, di libertà, di sulidarità, di dignità è di ghjustizia. Sempre cù u surisu, di core generosu, u spiritu apertu, hà smachjatu tante strade di i nostri sogni . Cun tutta issa ricunniscenza chè no li devemu, ch’ellu riposi in Santa Pace.

Patriotti  Si n’hè andatu Max Simeoni, ma ferma u ricordu d’una vita cunsacrata à a nostra Nazione. Era frà i primi à arrizzassi in l’anni sessanta, riccusendu cun forza u fattu culuniale. Da Aleria à Arritti, da u terrenu à a piuma, averà luttatu una vita sana per a libertà di u nostru Paese è a salvezza di u so populu. Avvedeci o Patriottu, chì a to mimoria schjarisca i passi di u to populu versu à a Libertà. Femu e nostre parte di dolu à tutta a so famiglia Patriotti

LIGUE DES DROITS DE L’HOMME Section de Corse « Max SIMEONI nous a quittés. Sa vie durant, il s’est engagé dans un combat pour notre peuple et son droit à l’existence. Il était fondamentalement attaché à la démocratie, toujours disponible pour débattre de l’avenir de notre société. Il était un homme de bien voué à l’intérêt collectif. Il aura marqué l’histoire contemporaine de la Corse. A sa famille et ses proches, la ligue des droits de l’Homme présente ses plus sincères condoléances. » Ajaccio, le 9 septembre 2023

Core in Fronte Si n’hè andatu à l’eternu Max Simeoni, patriottu corsu è militenti di sempri. Era un puntellu, à fiancu à Edmond Simeoni, di a lotta naziunali corsa par i diritti pulitichi è naziunali di u populu corsu. Era unu di st’omini par i quali a lotta pupulari è l’unioni paisana erani indispunsevuli par fà fronti à u Statu francesu. Da l’anni 1960 sin’ à oghji ùn hà mai calatu u so sguardu nant’a nicissità d’addunì i forzi patriottichi è d’investiscia l’insembu di i spazi di lotta. In u 1976 ùn hà paura di participà à un azzioni militari contr’à a cantina di u colonu Cohen-Skalli. Da a criazioni di u CEDIC sin’à l’ARC, passandu par l’APC è l’UPC ò a dimarchja Corsica Nazioni, hà sempri fà valè a so fedi patriottica par a salvezza di a Nazioni. Max Simeoni era dinò ghjurnalistu à u sittimanali autunumistu Arritti è hè statu dinò elettu tarrituriali è diputatu à u parlamentu auropianu. Rendimu umaghju à un patriottu chì mai un s’hè stancatu d’essa rittu par fà passà u so missaghju di lotta. À tè Massimu, l’abbracciu di sta tarra!

Partitu Femu a Corsica· Max Simeoni, una vita di lotta à u serviziu di u Populu Corsu ! Babbu di u naziunalismu Corsu mudernu incù u so fratellu Edmond, militante, è umanistu Chè a so opera, a so fede è u so missaghju fiuriscanu a strada chì ci ferma da fà ! Femu a Corsica prisenta e so cunduleanze è più afflite à a so famiglia Caru fratellu, caru patriottu, caru amicu, riposi in pace

https://twitter.com/ALSantucci/status/1700427132235550813?s=20

 

 

 

 

. . A l'accorta annant'à Google Infurmazione For Latest Updates Follow us on Google News Nos dernière informations sur Google Actus

Produit CORSU E RIBELLU

Tags

bandeauribelluteeshirt (1)

Produits à partir de 13e

error: