#Corse – Angèle Confaix un altra mama si n’hè andata…

(Unità Nazinale Publié le 21 mars 2020) A mama di Petru Confaix, militenti naziunalistu di a Lotta di Libarazioni Naziunali è anzianu prighjuneru puliticu si n’hè andata par un altru viaghju.

Ci arricurderemu di una mama sempri e naturalmenti solidaria di u so fiddolu, quali fussi a situazioni, e supratuttu quandu Petru era ditinutu al di là di u mari in i carceri oscuri di u Statu francesu.

Ci ha sempri accumpagnatu, testimuniendu ci pocu tempu fà di a so amicizia è di a so appicatura à ciô chi n’emu intrapresu mittendu in ballu a nova dimarchja  » Patriotti « .
In ssi mumenti di tempi turbi, un altra casa si sbiota …

Assicuremu à Petru è tutt’à a so famidda di u nosciu sustegnu e simpatia e tinaremu sempri in menti u ricordu d’issa mama paisana, sempri accant’à tutti i soi.

A vedaci Angèle.

Patriotti