(Unità Naziunale publié le 4 novembre 2019) L’analisi ubbiettiva di a situazioni pulitica d’issi ultimi mesi metti in rilievu chi in i fatti, u guvernu francesu né ùn pidda in cunsiderazioni u fattu dimucraticu di a sprissioni pubblica corsa, né un dà riposta à pruposta d’andatura di rigulamentu puliticu di u prublema naziunali corsu.
A maghjurità stituziunali di a Cullitività di a Corsica ùn ha riusciutu par avali à strappà i cundizioni di un veru cambiamentu puliticu chi parmittaria di metta in ballu un prughjettu pà falla finita incù a rialità di i rapporti storichi di nigazioni di a Francia nant’à u nosciu paesu.
Da l’altra parti i fatti riprissivi ùn si fermani mai, quandu ùn si parla d’assassiniu puliticu … Impighjurisci u nosciu cutidianu !
Hè un paisanu di a tarra chi a ghjustizia francesa ha lampatu in prighjò. Hè innacetevuli comu so innacetevuli l’imprighjunamenti d’issi ghjovani naziunalisti ‘ssi ultimi sittimani. A criminalizzazioni di a rivindicazioni paisana, di pettu à u disprezzu francesu, s’iscrivi in a logica di ammutulì ciò chi faci u cori essenziali di i nosci rivindicazioni : scedda da par noi u nosciu destinu, dicida da par noi comu custruiscia a noscia Nazioni, campà è travaddà in tarra noscia cum’aghjenti libari.
PATRIOTTI porghji u so sustegnu à u ghjovanu agricultori Ghjuvan Andria Flori .
PATRIOTTI manda dinò u so sustegnu patrioticu à i prighjuneri pulitichi Ferrandi, Alessandri e Colonna, vittìmi di a raghjoni statali francesa.
Hè ora oghji di mubilizzà si viramenti di pettu à u Statu francesu. Hè ora oghji di metta in ballu una mossa patriottica addunita.
Chi ognunu riflittissi nant’à u fattu storicu chi senza un Populu attori di u so avvena, senza un muvimentu naziunali addunitu di tutti i so forzi, passi in davanti un ci n’hè…
FORTI SAREMU SI UNITI SIMU
STRAPPEMU I CATENI DI A RIPRISSIONI !
PATRIOTTI
Produit CORSU E RIBELLU
