#Corse U Riacquistu di Portivechju « Di tutti ‘ssi pruposti aduttati incù maghjurità a Francia si n’impippa »

(Unità Naziunale – 13 février 2018 – 9h00) A tremenda manifestazioni pupulari d’Aiacciu ha musciatu l’impurtanza di a mubilizzazioni paisana. Voli dì chi oghji ci tocca à rinfurzà issa forma di mubilizzazioni.

Hè piu chi impurtanti oghji chi malgradu i novi cundizioni pulitichi spuntat’in Corsica dapoi uni pochi d’anni, u Statu francesu ricusà di piddà in contu a vulintà di i corsi à ammaistrà u sò avvena.

A vinuta di u prisidenti francesu Macron hè stata chjara. Ha calpistatu a noscia tarra, incù discorsi e attitudini pruvucatori e inghjulienti. Di tutti ‘ssi pruposti aduttati incù maghjurità a Francia si n’impippa …

Hè ora d’ accrescia a lotta pupulari. Incu ditirminazioni e rispunsabilità senza perda u filu chi quiddi chi t’ hani u puteri ani da pruvà à intrappulaci par indebulì a noscia forza attuali.
U Riacquistu di Portivechju sustinarà tutti l’iniziativi è mossi pupulari.

U Riacquistu di Portivechju assicura i ghjovani in pattifami di u sò sustegnu e chjama tutti i purtivichjacci à tenasi pronti é a cuntinuà à custruì u cambiamentu chi no vulemu par Portivechju è par a Corsica.

U Riacquistu di Portivechju
12 di ferraghju