(Unità Naziunale Publié le 9 février 2019) Dop’à Ghjuvan Marcu DOMINICI è Felici BENEDETTI, avali tocca à Stefanu TOMASINI d’essa cunvucatu par un novu prucessu in Bastia marti u 5 di marzu à dui ori dopu miziornu.
Issa nova cumparuzioni moscia bè chì a ghjustizia francesa intrateni un cert’accanimentu annant’à quiddi chì ricusani l’amalgamu di u « Fijait » è chì ùn volini calà u capu. Muscia bè dinò chi ‘ss’accanimentu circ’à tuccà par indebuliscia a dimarchja di u nosciu culletivu « Patriotti ».
ÙN STAREMU MAI ZITTI !
Quali sia a so forma, a riprissioni ghjudiziari è puliziera hè a dimustrazioni chì u Statu francesiu ricusa u principiu di una soluzioni pulitica.
Tocc’à u Muvimentu Patriotticu di metta in ballu una mubilisazioni populari par strappà a libarazioni di tutti i patriotti vittimi di a riprissioni pulitica è i cundizioni di un rigulamentu puliticu ricunniscendu i dritti di u nosciu populu frà i quali quiddu di scedda u so avvena.
Par contu soiu » PATRIOTTI » hè prontu à piddà i so rispunsabilità in’ssu sensu.
Marti u 5 di marzu, sarà dighjà un mumentu d’accolta davant’à u palazzu di ghjustizia in Bastia par dì « basta ! » Sarà dinò un mumentu di sulidarità patriottica à tistimunià par Stefanu TOMASINI, Ghjuvan Marcu DOMINICI è Felici BENEDETTI !
SUSTENIMU I PATRIOTTI PARSIGUITATI ! DIMU TUTTI INSEMBU BASTA À A RIPRISSIONI !
PATRIOTTI
9/2/19
Produit CORSU E RIBELLU
