#Corse Umaggiu di u Presidente @JeanGuyTalamoni A u Duttore Edmond Simeoni

(Unità Naziunale Publié le 20 décembre 2018) L’hommage du Président de l’Assemblée de Corse à Edmond Simeoni

A terra di Corsica ti serà legera,
Chì per difende la, di li to ghjorni n’ai fattu una citadella.
L’amore di i Corsi ti riscalderà,
Chì u toiu ùn l’hà mai mancatu.
Cum’ellu s’infrebbava u populu
À sente li to discorsi,
Cum’ella seguitava a ghjente,
Daretu à lu to passu.
Quante volte ai chjamatu,
Assicuratu d’esse intesu.
Quante volte ai insegnatu
A strada petricosa di a vita è di a libertà.
A strada di l’omu.
Oghje ribomba sempre la to voce in issu locu sacru di a dimucrazia,
È tutti a stanu à sente, cumossi, ancu quelli chì, tandu, ùn l’ai pussutu cunvince.
U to sguardu fieru, u to surisu generosu, stampati in la memoria cumuna, accumpagneranu e nostre lotte.
Addiu amicu.
À tè, una stonda di silenziu di i riprisententi di a Corsica.

Photo TDR RITA SCAGLIA / IN CORSICA

#Corse Edmond Simeoni « U Babbu di a rinvidicazione »