#Corse Patriotti – Ghjuvan Battista Acquaviva « Sè sempri accant’à noi »

(Unità Naziunale Publié le 14 novembre 2018) À Ghjuvan Battista Acquaviva

U 15 di nuvembri di u 1987, Ghjuvan Battista Acquaviva sparia in un’azzioni di risistenza. Omu sputicu, Ghjuvan Battista avia fattu a scelta di u Fronti di Libarazioni Naziunali di a Corsica chì tandu aduniva i forzi armati contr’à u culunialisimu francesu. 

Si n’hè andatu, assassinatu à tradimentu.

Quiddu chì l’hà tumbu hè statu prutettu da u Statu francesu… Ghjuvan Battista incù tutti i so cumpagni di machja purtaia a speranza di una Corsica ricunnisciuta in i so dritti, frà quali quiddu di scedda u so avvena, è di una tarra libara è appaciata, impruntata di ghjustizia suciali è di rispettu par u bè cumunu.

U so sacrifiziu, com’è quiddu di tutti i nosci martiri, u tinimu in i nosci cori è in i nosci menti. Ùn ci alluntanaremu mai da sta strada petricosa piena di trapuli chì hè ‘ssa lotta .
PATRIOTTI rammenta à ognunu u sensu puliticu di l’ingaghjamentu curaghjosu di Ghjuvan Battista chì cunduci i nosci passi d’oghji. 

Sè sempri accant’à noi.
A lotta cuntinuighja
PATRIOTTI