(Unità Naziunale – 27 janvier 2018 – 7h00) U 10 di dicembre scorsu, i naziunalisti anu ottenutu una maiurità tutale à l’Assemblea di Corsica.
Cù stu votu, u populu corsu hà vulsutu, di manera demucratica, dà si un avvene per ellu, a so terra, a so lingua, a so cultura o a so ecunumia cù l’inscrizione di a Corsica ind’è a Cunstituzione francese è per andà versu un autunumia è tutti i so puteri.
Dapoi avà parechje simane u statu francese face nice d’ùn sente a voce di u populu corsu, essendu contru à ogni rivendicazione cum’è l’annistia, a cuufficialità di a lingua, u statutu di residente… 
U guvernu francese ci mostra una volta di più a so vulintà di mentene un ambiu assai tesu trà a Francia è a Corsica vulendu mentene u so putere in Parigi, senza rispettà a demucrazia.
L’inseme di isse rivindicazione sò quelle di a maiurità di i corsi chì volenu emancipà si di manera demucratica è pacifica per l’avvene.
Ghjè ind’è issu cuntestu chì a Cunsulta di a Ghjuventù Corsa risponde à a chjama di l’eletti è chjamemu l’inseme di a ghjuventù è di u populu corsu à esse in carrughju à fianc’à noi è à tutti i corsi per manifestà u 3 di ferraghju in Aiacciu à 2 ore è mezu, per fà vale i diritti di u populu corsu !
TUTTI IN CARRUGHJU U 3 DI FERRAGHJU IN AIACCIU !
-UNITI PER U NOSTRU AVVENE-
CUNSULTA DI A GHJUVENTÙ CORSA
26 janvier 2018
Produit CORSU E RIBELLU
