Arimani, pà l’alizzioni legislativi, avemu cunisciuti mumenti straurdinarii , ricchi di gioia è d’emuzioni. Mumenti chi , un militanti ùn pò sminticà . 3 candidati naziunalisti è i so suppleenti so stati eletti deputati !
Una vittoria tamanta pà sti 3 candidati,pà u muvimentu naziunali unitu, pà i militanti d’arimani è oghji, pà a Corsica sana.
In a siconda circuscrizioni di a Corsica suttana è in Portivechju più particularmenti sta vittoria hè ancu più simbolica . Una dinastia è u so bastionu so cascati.
Incu stu votu , l’alittori hani dittu no à u clanisimu è u clientelisimu in piazza da anni è anni. Hani dittu ié à un omu sinceru, unestu , impignatu pà u be di a pupulazioni. Hani musciatu a so cunfindenza in u travaddu fattu à l’assemblea di Corsica da quasgi 2 anni da u muvimentu naziunali unitu.
Arimani , un passu tamantu hè statu francatu , Paul André Colombani incù i i dui altri eletti di a Corsica suprana, si ni cuddarà in Parigi à fà senta a voci di a Corsica.
Ma ùn ci duvimu micca firmà qui , Ci fermani altri lotti suciali, altri lotti ambientali, altri lotti alitturali.
In Portivechju ,in u 2008 è u 2014 a maiurità municipali hè stata missa in priculu ma i divisioni di u muvimentu naziunali, ùn ha micca parmissu a vittoria.
L’errori di l’anni passati è a vittori d’arimani ci devini incuraghjiscia à uniscia ancu di più i forzi naziunali in Portivechju è u so ruhjonu.
L’impurtanti ùn hè micca di vincia un alizzioni . L’impurtanti hè i vincia pà travaddà pà u bè di un rughjonu , di una circuscrizioni, di una nazioni !
(source et suite)
Produit CORSU E RIBELLU
