Di dicembri 2016 si n’hè andatu Matteu Codani.
Par quiddi chi l’hani cunisciutu, Matteu era un omu di a tarra. Un omu chi tinia à a leia tra l’omu e a tarra. Un omu chi vulia ch’issa tarra firmessi in u bé cumunu.
L’omu era di tutti ‘ssi lotti pà pruteghjala. Chivi in Portivechju, ma dinò in Corsica. Era di tutti ‘ssi mossi par ch’iddi fussini rispitatti l’accessi libari à u mari. Par ch’iddi fussini prutetti tutti ‘ssi lochi naturali chi facini u nosciu circondu e patrimoniu.
Matteu sappia di ciò chi parlaia quandu si trattaia di cirondu. L’emu scuntratu monda volti nant’a ‘ssi chjassi di mossi è di mubilizzazioni. Avemu spartutu parechji di i sò paré nant’a a pulitica chi devi raccuncià l’omu à u so circondu.
Oghji, quandu si vidi comu si svillupani I custruzioni, u spussessu fundariu è a spiculazioni in u nosciu rughjonu , si pò dì chi ‘ssa lotta ch’emu spartutu incù iddu devi cuntinuà. Parchi hè una lotta pà l’omu è i so libartà. Hè una lotta pà i prossimi ginirazioni pà un campà bè par tutt’ ugnunu.
Chi u to missaghju d’amori arradicatu sighi intesu.
Avvedaci o Matteu !
L’ amichi naziunalisti di Portivechju
(riacquistu) (Levante)
Produit CORSU E RIBELLU
