A Ghjuventù Indipendentista tene à salutà a liberazione di Stefanu Tomasini, giovanu prigiuneru puliticu, incarceratu dapoi maghju 2013 è chì aspetta sempre d’esse ghjudicatu.
Tenimu à ramintà chì dui di i nostri militanti sò dinù messi in causa ind’u listessu cartulare : Niculaiu Battini ch’hè sempre incarceratu è Ghjiseppu Maria Verdi ch’hè sempre ricercatu.
Li purtemu di sicuru tutt’u nostru sustegnu quant’à l’inseme di i prigiuneri pulitichi è di i ricercati.
Aldilà di u fondu di u cartulare, aldilà di a ricerca da a ghjustizia francese di « culpevuli », per noi, ùn ci hè chè patriotti ditenuti o ricercati pè fatti pulitichi. È pè sti patriotti, ùn ci hè ch’una sola via chè no puderemu accittà : l’annistia pè tutti !
A lotta cuntinueghja.
A nostra cuscenza hè resistenza !
Produit CORSU E RIBELLU
