(CORSE MATIN) Trà u primu è u sicondu giru di e territuriale, u partitu di Marine Le Pen hè statu à stagnà, ùn sapendu propiu pusiziunà si di pettu à l’inghjochi lucali. Ma st’elezzione face vede chì u muvimentu hè dinù capace à cultivà e terre corse. Ritornu nant’à una crescita regiunale
Cù l’Isula di Francia, a Corsica hè a siconda regione di u paese à avè cunnisciutu a falata a più impurtante di u Front National à u sicondu giru di st’elezzione. Cù 9,1% di i voti, u capimachja di a lista frontista, Christophe Canioni ùn l’hà fatta à francà i 10% cum’è per a sera di u 6 di dicembre. Cum’è in lu 1992, u muvimentu triculore ùn hè riesciutu à cuncretizà i so risultati di u primu giru, puru cù u marosu forte chì li venia in poppa.
Ci hè da pensà chì u so discorsu, arrimbatu à temi avviati da u partitu naziunale, ùn hè tantu andatu di paghju cù l’inghjochi lucali chì anu animatu a campagna. Forse chì a so prisenza trà i trè campi maiò di u paisaghju puliticu isulanu ùn hè statu un vantaghju da pudè fà si valè nant’à a scena lucale.
LA SUITE SUR CORSE MATIN
Produit CORSU E RIBELLU
