#Corse – L’ortu di i frati

(Corse Matin) I pulitichi si misfideghjanu sempre quandu l’elettori trecanu davant’à i scagni di voti.

Temenu à spessu ch’elli s’asteninu o ch’elli guardinu in l’altru campu s’ellu hè di più fiuritu u pratu. Ma, trà di noi, sò piuttostu l’elettori chì averianu di chè misfidà si di sti puliticanti chì trecanu à francà u cataru per entre in l’arena pulitica. Quella di u dibattitu d’idee è di i prugetti. Ma, per quessa, ci vuleria ch’elli ci fussinu prugetti è idee daretu à i bisbigli arcani di a pulitichella.

L’evizzione di Malosse, prutagunistu di l’affari europei, di a lista giacubbista cù i cunsiglii avviduti di i druidi di a pulitichella lucale, n’hà purtatu a prova. Ùn si sà mai, seria statu capace à…Violà l’entrata pruibita à i lochi di a pensata pulitica. Mai ch’ella sia. Hè vera, marca bè d’avè l’idee – in sti tempi di sicchia ideulogica dà appena d’aria fresca à u pratu puliticu – ma ùn rende tantu per i buglittini di votu…D’altronde, à Malosse dinù, a pulitichella ùn li facia tantu scomudu nanzu ch’ellu fussi messu fora di u campu giacubbistu… U « clan » hè sempre male quand’omu ùn hè micca nentru.

LIRE LA SUITE DIRECTEMENT SUR LE SITE DE CORSE MATIN

TDR CORSE MATIN