U 2 di sittembri sò statu libaratu da a « ghjustizia d’essezzioni » Francesa dopu à 2 anni è mezu passati in u lucacciu scuru di Fresnes.
U me cartularu ghjudiziariu di detenzioni d’armi pudia essa ghjudicatu in Bastia. Oghji mi teneni alluntanatu da i mei è da a Corsica in u circondu parighjinu sin’à u me prucessu chi venara quandu li parera à i ghjudici…
Vogliu salutà è ringrazià tutti i parsoni chi m’ anu sustinutu è chi mi sustenenu sempri qualessa hè a manera. ( cumunicati, missaghji, lettari, mandati, prisenza à i serati, petizioni, lea internet, adduniti etc…). U me pensamentu va dinù di sicuru versu à i patriotti corsi chi fermani incarciarati. Vi mandu à voi tutti prighjuneri forza è curraghju. U populu corsu hè vivu a so cuscenza hè viva. Seti imprighjunati ma seti a leva di issa cuscenza culletiva.
Di sicuru l’emancipazione di u nosciu paese hè da sempri indibulita da u soldu maestru chì si voli cumprà a noscia tarra; Indibulita da u corsu chi venda ò u corsu chi si venda; Indibulita da a chjuditura francesa chì ci voli muti, ci nega u diritta d’ essa è ci manda a so ghjenti.
Ma u vosciu populu hè vivu, a so cuscienza hè viva, firmara arrittu è tenera una strada diritta è u core in fronte.
Libertà par tutti i patriotti corsi.
FELIX BENEDETTI
Produit CORSU E RIBELLU
