(Corse Matin) In L’Antecristu, à a fine di u XIXu seculu, Nietzsche scrivia chì e cunvinzione eranu prigiò. In u frattempu, serà passatu à Cristu per sti lochi, è averà ancu apertu – ùn scriveremu micca spalancatu – nant’à u so caminu e porte serrate di e carcere da liberà à unepochi chì forse u vestitu di e cunvinzione li stava troppu strettu.
Dapoi, si traculinanu per a natura, vaghendu per u paisagiu puliticu, è s’accumodanu di quandu in quandu secondu u tempu eletturale.
L’avemu vista a settimana scorsa, primus inter pares, François Tatti, chì avia dumandatu cù una bontà di spiritu d’accoglie i migranti, hè diventatu, ellu stessu, un rifugiatu puliticu. U presidente di u Syvadec, più manescu per a so valurisazione persunale chè per quella di e rumenzule – ùn vulteremu micca nant’à l’episodiu di u Mulizzu Gate -, si hè riciculatu di modu naturale nant’à a lista giacubbista. Trà di noi, è senza fà li ne un prucessu (u capilista ne hà abbastanza), u pudemu ancu capì. Di a vultata in u sarcone venachese, ùn a si pudia francà. U so muvimentu ùn hè ancu à alzà si in volu, u rimusciu à a merria di Bastia li hà cacciatu a so maghjurità à a cumunità d’agglumerazione, u Syvadec hè impestatu da u parapiglia di e rumenzule è u bisbigliu cù i prutagunisti di l’allianza municipale anu annivulatu u celu per e territuriale. Parte solu cù un partitu sciancu, era quant’è à seguità a via d’un naufraghju.
LIRE LA SUITE DIRECTEMENT SUR LE SITE DE CORSE MATIN
TDR CORSE MATIN
Produit CORSU E RIBELLU
