Si poni oghji pà l’Auropa, e di fatti pà l’isuli di u Mari Tarraniu e dunqua pà a Corsica. Hè u risultatu di i cunflitti chi pocu à pocu si sparghjini à u Mezzu Orienti e nant’à u cuntinenti africanu.
Hè dinò a cunsiquenza di i pulitichi di prisenza pulitica e ecunomica, ma dinò d’intervenzioni militari di i Stati Uniti e di certi stati auropiani comu a Francia.
Un si poni micca capiscia ‘ssi muvimenti di milliaia di parsoni chi fughjini a guerra è a miseria senza una analisi geopulitica di a situazioni. E analisi dino a rialta di a Corsica, di a so lotta a mezzu.
A noscia lotta di spannamentu naziunali hè prugressista. Rimetti à u centru di un prughjettu d’avvena puliticu, culturali suciali e ecunomicu u Populu Corsu cum’e attori principali postu ch’iddu he sin’a oghji nigatu com’è tali da a Francia.
Voli chjaramenti dì chi ci hè una sola cumunita di drittu nant’a issa tarra e hè u Populu Corsu.
Ben sicuru u Populu Corsu he minacciatu pa via di i muvimenti di populazioni e si devi parlà di culunisazioni di populamentu. E ci duvimu uppona à stu finomenu è denuncià lu . Quandu avaremu a maestria di u nosciu paesu quandu avaremu a noscia cittadinanza, tandu si pudarani cuncipiscia meddu i muvimenti migratorii.
Ma un semu micca razzisti ,chì noi i primi semu vittimi d’issu razzisimu chi ricusa à i corsi d’essa cio chi u tempu di a storia ha fattu d’iddi : una cumunita incù i so dritti e chi hè stata un tempu urganizzata in u statu indipendenti e demucraticu. E a Corsica ha sempri accoltu quiddi chi viniani d’altrò à rifugjassi e campà indé idda. Iss’aghjenti vinuti d’altrò so diventati naturalmenti corsi.
Oghji, malgradu a rialtà di a culunisazzioni francesa e di u so pesu in a vita oghjinca, un puddemu chjuda a porta à quiddi chi avali com’e nanzi venini ind’e noi a truva lettu e pani. Femu cio ch’emu sempri fattu e mittimu un piattu in piu. Purghjimu I nosci mani comu l’emu sempri purghjuti .
Ben sicuru ci voli à tena contu di i nosci capacità d’accolta pà parmetta d’integrà quiddi chi ghjunghjini fughjendu ‘ssi guerra. A noscia casa hè minori ma u nosciu cori hè sempri satu maiori è apartu.
Ma in u stessu tempu un smintichemu micca i fundamenti di a noscia lotta e dinunziemu quiddi chi in Corsica e ancu in altrò sbagliani l’aghjenti incu i so falsi discorsi umanitarii quandu ricusani chivi a ricuniscenza di u nosciu populu…
Un accitaremu mai lezzioni da u culunialisimu !
Pa compia, era impurtantissimu di fà cunoscia a tutti issu missaghju d’un omu, patriottu rivoluzionariu, chi ha accumpagnatu a noscia lotta e chi oghji, moscia l’asempiu di ciò ch’idd’hè a sulidarita intarnarziunali e umana. Antonu Acquaviva ci ramenta un gestu sanu chi i corsi hani sempri fattu pa tutti i sfruttati di a tarra.
Produit CORSU E RIBELLU
