(RIBOMBU) Spessu c’hè di chè esse stumacati da l’evuluzione di u mondu spurtivu è di u ballò in particulare.
U foot-spetaculu, u foot-business, tombanu pianamente è bè u fubtbol pupulare. I danni di a marcantizazione strema puntanu pocu à pocu e squadre à lampassi ind’è a corsa à a cumpetitività ecunomica lascendu da cantu a so identità, e so valore… o à smarisce.
«Le Qatar finance le PSG… et le terrorisme » : u striscione di i sustenidori bastiacci mittia à palesu l’ipucrisia ingiru à u finanziamentu di e multinaziunale di u ballò. Una leia dinunziata da u grande Barça stessu chì s’hè staccatu da u so sponsor Qatar Foundation per e stesse ragione.
Un’attu d’onore. A vittoria di l’eterni « Lioni di Furiani » contr’à u PSG hè anzituttu a vittoria di u stintu di pettu à i milliardi di i fondi d’invistimenti. E star trapacate sò state, u tempu d’una sirata, messe in dirotta da a voglia d’ondeci guerrieri turchini è d’un populu sanu daretu à ellu !
Gillou Cioni, Julian Palmieri, Yannick Cahuzac, ghjucadori di terza divisione solu quatru anni fà anu pigliatu a suprana à u sgiò Ibra. Cioni, Palmieri, Cahuzac, Modesto, Squillaci, cinque corsi nantu à u terrenu per una vittoria storica. Quattru buttoni chì in sta notte di ghjinnaghju di u 2015, ribumbavanu cum’è a nostra vindetta.
A dignità d’un populu.
A Squadra
Produit CORSU E RIBELLU
