Si compii l’annu incù i so guai e i so alligrezzi. Si spera sempri meddu pà l’annu chi ghjunghj. Ma un si po sminticàc hi un si po cuncipii dumani senza unu sguardu in u specchju di u nosciu passatu.
Ben sicuru ugnunu farà i so auguri incù a fedi di a speranza. Pà contu meiu un possu chi pinsà pà l’annu novu chi sbucca à tuttu ciò chi faci a noscia vita oghjinca. E i me auguri so:
– A issi corsi chi perdini l’usu di a lingua e di a cultura.
– A issi corsi sradicati e esiliati
– A issi corsi spatrunati
– A issi corsi senza alloghju
– A issi corsi senza travaddu
– A issi corsi precarii
– A issi corsi, ghjovani o vecchji, ch’hani persu a fedi in u so paesu
– A issi corsi abbandunati, senza piu famidda
– A issi corsi imprighjunati parchi so patriotti
– A issi corsi inghjuriati parchi suniighjani d’una altra Corsica.
– A tutti quissi, e a tutti i spugliati e i senza voci chi pugnani di sta ritti,
LI DICU,
BON DI, BON ANNU, BON CAPU D’ANNU, PACI E SALUTA PA TUTTU L’ANNU E LIBARTA !
Faustina di A Prugna
(source)
Produit CORSU E RIBELLU
