è o ghjente a sapete forse digià : Facebook, l’intrapresuccia di Mark Zuckerberg ha messu u corsu nant’à a lista di e lingue chi l’utilizatori ponu sceglie ! Vale à dì chì Facebook ricunnosce a nostra lingua, è accetta chi a cumunità cursufona abbia i so conti Fb in corsu (per quelli chi n’anu…)
A nutizia hè bella hè bona, ma sappiate chi pè ghjunghjene à stu puntu, c’hè vulsutu à travaglià appena è soprattuttu, travagliu ne ferma assai pè traduce tuttu u lessicu adupratu da facebook… Per a Fundazione di l’Università era impurtante impegnassi in sta nova avventura di a lingua corsa !
A u principiu…
Facebook in corsu : perchè a Fundazione duvia arricà a so cuntribuzione ?
L’aviamu pensatu è intesu digià parechje volte : seria bè di pudè avè Facebook in corsu ! Ma bon, pè dilla franca sin’à l’apertura di Facebook in brittonu, à u principiu di u mese d’ottobre, nimu in giru à noi, ci avia pensatu in un modu seriu è determinatu… Ma postu chi i Brittoni c’eranu ghjunti, l’affare diventava pussibile…
I sgaiuffi d’a squadra d’I Kongoni anu cuminciatu à mette a pressione cù a so pagina Facebook in corsu, è in poche simane, anu francatu i 6000 likes…
Tuttu què hè statu seguitatu cun interesse maiò da un ghjovanu corsu chì travaglia pè Facebook, Anto’Maria Battesti, chì s’hè messu in cerca d’u camminu u più cortu è efficace pè chì a richiesta sia ricevuta è trattata da l’impresa…
E hà trovu a via… Ma ùn era ancu fatta ! Ci vulia torna à spiegà à l’impresa chì fora di u sustegnu pupulare, ci seria statu ancu un impegnu, è ghjente capace di traduce da l’inglese à u corsu.
(…)
Produit CORSU E RIBELLU
