A crisa chì hà toccu a Corsica sti pochi ghjorni ùn era solu un cunflittu sindicale chì hè duratu troppu. Di modu più largu hà postu dinù a quistione di u mudellu ecunomicu di nostru.
À l’ora di u bilanciu, si parla di più di 120 milioni di perdita per l’ecunumia corsa in 17 ghjorni. Fatta fine, pare chì in u 2014 i cummercianti ùn si lagneranu per nunda. Si dice chì puru in Thaïlande anu da pate di stu cunflittu chì i Corsi ùn ci anderanu à spende i soldi ch’elli ùn anu vintu sta stagione…
Hè vera, in Corsica dopu dece mesi d’invernu a maiò parte di a pupulazione conta nant’à sti dui mesi di stagione da pudè campà. Al di là di e chjachjare di u prefettu chì dicia di ghjugnu scorsu chì a situazione di l’ecunumia corsa era à evuluà di modu favurevule, ci hè una realità : in u 2013, puru nanzu à l’annegu (ufficiale) di a SNCM, ogni settore di l’ecunumia corsa era in u rossu. È u primu simestru di u 2014 cunniscì una crescita di u disimpiegu di quelle putente è mai viste.
A murfina
Allora sì, a crisa di a SNCM ci porta à rimette in causa u modu di sviluppu debule di st’isula chì ùn pò esse solu sole è mare. Chì quandu ci hè u marosu s’affonda ancu a rena. Si sà chì u turisimu hè trà i settori i più sposti à e crise ecunomiche è à a calata di u putere di cumprà. S’accorge omu chì a surghjente si pò attagnà da u ghjornu à u lindumane in casu di crisa o di greva.
(…) Suite ci dessous
CorsicaInfurmazione.org by @Lazezu
Revue de Presse et suite de l’article :
CORSE MATINCorsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
