À ogni dannu ci vole una cundanna. Si cerca sempre i culpevuli, mà ùn si trovanu micca sempre. Eccu u cutidianu d’una ghjustizia chì strazieghja, quì è altrò.
U ghjurnalistu ùn hè forse micca qui per dì ciò ch’ellu pensa di pettu à ciò chì si passa. Ma tandu, u ghjurnalistu cum’è quellu chì u leghje, u sente o u vede, hà anch’ellu u so parè.
Tristezza : eccu a parolla di a settimana.
Sintimentu chì si pò risente di pettu à a sciagura di a famiglia Mezzacqui, uriginaria d’Aiacciu è di Balagna. Più di 10 anni di travagliu brusgiati, in qualchì seconda, in l’incendiu criminale di l’osteria L’Altru Versu. Un focu chì hà picciatu dumenica sera. Di notte, à l’appiattu.
A Corsica pare avè i so nemichi dentru. Ùn si pò chè mintuvà tutta a tristezza di pettu à iss’incendiu criminale. Quessu u cummerciu era statu custruitu da e mani di i so patroni. Sò elli chì anu fattu u cimente chì hà permessu d’alzà issu cumerciu. Da u sulaghju à u tettu.
In un libru, postu à l’entrata, ci eranu i ritratti di a custruzzione. Mesi è mesi sott’à a sciappittana per custruì un arnese di travagliu, cù u mare per vicinu.
Unu di i ritratti mustrava i fratelli di a famiglia pone a sima. L’Altru Versu era un affare di famiglia da i fiori posti davanti à quelli messi in i piatti.
(…) suite ci dessous
CorsicaInfurmazione.org by @Lazezu
Revue de Presse et suite de l’article :
CORSE MATINCorsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
