U sindicatu studientinu a Cunsulta di a Ghjuventù Corsa tenia à ringrazià u Fronte di Liberazione Naziunale di a Corsica per i so 38 anni di lotta.
Sè no simu quì oghje intraccia di cumbatte per priservà a nostra lingua, a nostra cultura, a nostra terra è i nostri valori ghjè perchè chì in 1981 l’Università di Corsica Pasquale Paoli hà vistu u ghjornu. Salutemu st’omi chì si sò battuti per avè, in Corti è in Corsica, un locu d’emancipazione di a ghjuventù è di u populu corsu. Sè no pudemu gode di u nostru liturale, di u nostru mare ghjè perchè sti fratelli di l’ombra anu sacrificatu e so vite per mantene a nostra terra linda. Sè no avemu sempre a vulintà di l’indipendenza è di a ricunniscenza di u populu corsu oghje ghjè perchè u 5 di Maghju 1976 u FLNC s’hè alzatu contr’à u statu culunialistu francese. Oghje ferma sempre patriotti incarcerati luntanu da e so famiglie è da l’isula. Oghje ferma sempre omi di gran’ valore cascati per a libertà. Oghje per i so diritti leghjitimi, per avè cumbattutu per campà corsu, dumandemu a so liberazione subbitu avà. O Corsu ! Oramai tene à mente sta data di l’annu 1976, ghjè quessa chì ti hà permessu di campà nantu à una terra corsa !
Cunsulta di a Ghjuventù Corsa
(…)
CorsicaInfurmazione.org by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
