Dopu à a Cunsulta Generale di u Cullettivu Parlemu Corsu di sabbatu scorsu duve Bastia 1905 hà participatu, u gruppu annunzia à i so membri , amichi, à u Populu Turchinu è à u Populu Corsu sanu chì s’appronta una nuvella manifestazione chì si volerà di più maiò chè quella d’annu, digià bella riesciuta.
Dopu avè mandatu un messagiu à i nostri pulitichi, sta manifestazione festiva è rivendicativa chì si passerà u sabbatu 24 di maghju in Aiacciu, averà per scopu di dumandà sta volta à u Statu di ricunnosce u statutu di cuuficialità di a lingua corsa vutata da l’Assemblea Territuriale.
Per a riesciuta di sta mubilisazione nuvella è pè dà curagiu à u Cullettivu è i so membri, u gruppu Bastia 1905 s’hà da incaricà d’urganizà una serata nu so lucale. L’assocciu ferà alora donu di una parte di i benefizzii. Dinù, metterà a disposizione di tutt’a giuventù bastiaccia pè pudè participà à sta manifestazione, un autocarru chì parterà à meziornu di a Piazza San Niculà.
Pè tutti quelli chì sò interessati da stu trasportu in autocarru, vi pudete rinsegnà à u lucale di u gruppu, nantu à u so contu ufficiale Facebook o direttamente in Tribuna Petrignani.
Per una sucietà corsa bislingua,
Bastia 1905
(…)
CorsicaInfurmazione.org by @Lazezu
Revue de Presse et suite de l’article :
Bastia 1905Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
