Semu qui sta sera, accant’à Micheli Giraschi incù tutti i candidati di U Riacquistu, incu vò tutti pà custruisciauna strada nova pà Portivechju . Una strada chi pò paré difficiuli « à mezzu à i cantona , i tanca è i lamaghji » .
Ma si sa chi monda volti i stradi i più stretti, i più lamaghjosi ci portani à scopra maraviddi. Allora, sta strada a pulisciaremu, l’allargaremu tutti insembu, nò è vò da l’ultimu à u primu , da u primu à l’ultimu di i candidati. Incù voscu da u scularu à u prufissori, da l’impiigatu à u patronu, da a mamma di famidda à u missiavu. Da quiddu chi sta in paesu à quiddu chi sta à i cruciaturi o à a marina, Da quiddu chi si ni sta in i nosci pasciala di muntagna à quiddu chi sta in piaghja. Ugnunu di nò t’ha a so cumpintenza pà allargà sta strada chi ci aiutarà à custruiscia un avvena di spiranza pà Portivechju.
Tutt’ugnunu servi à qualcosa ! Ùn ci lachemu micca dì chi i nosci idei so inutili ! Certi ci pruponini una strada bedda larga è fiurita ma fighjulendu bè, monda sarani lacati à u bordu di a strada è ùn ci dumandarani micca a dirizioni chi no vulemu piddà. Allora, stemu annant’à noscia strada è pà u nosciu paesu, pà u nosciu rughjonu , pugnemu d’avanzà tutti insembu, pocu à pocu senza sminticà i valori di spartera dil’anziani, senza sminticà a noscia cultura ma fighjulendu versu un avena di dignità pà tutti i Purtivichjacci induva nimu ùn sarà lacatu da cantu.
Ugni passu chi nò faremu, sarà un passu versu l’avvena. Tutti insembu addunimuci pà francà un primu passu u 23 marzu è cuntinuà ancu meddu u 30 è al di là ! Pà sta strada nova tutti insembu vutemu Micheli Giraschi è U Riacquistu !
Article publié le 2 Mars 2014, à lire ci dessous
(…)
CorsicaInfurmazione.org by @Lazezu
Revue de Presse et suite de l’article :
Blog U RIACQUISTUCorsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
