Assemblée de #corse : « Funziunamentu di i Centri d’immersione di Bastelica è Savaghju »

O Sgiò Presidente,

Dipoi u principiu di a mandatura, si pò pensà senza dubbiu ch’ella si hè inceppata quì una vuluntà forte di cambià à cortu andà, di manera fundamentale, u statutu di a Lingua Corsa, da fanne perfine una lingua ufficiale. S’ellu si face casu à tutti i sundasgi publicati in stu duminiu, s’accorge omu chì sta pratesa legitima hè sustenuta di manera più chè larga da a sucetà isulana. Ma fattu si stà chì da u dì à u fà, u travagliu ci hè sempre. Lascendu da cantu l’aspettu custituziunale, parleremu stamane di l’azzione specifica ch’ella pò purtà l’Assemblea di Corsica à livellu di u sviluppu di a pratica cusì detta di « l’immersione » è, in particulare, di i centri di sughjornu lingusiticu di Bastelica è di Savaghju.

Ancu s’è a nostra Cullettività ùn hà a cumpetenza nant’à l’andatura educativa di stu paese, U PRDF 2007-2013 hè venutu à rinfurzà l’idea di sviluppà i centri d’immersione in Lingua Corsa, dumandendu ancu a creazione di strutture simule in Corsica Suttana. Un passu in daretu per turnà à ripete ch’ellu ci ferma un sforzu maestru à fà per arradicà e filiere bislingue in u secundariu – l’avemu dumandata ùn sò quantu volte quì – da dà una cuerenza à u dispusitivu di l’insignamentu di u Corsu. Allora, s’è n’aspettemu sempre a creazione d’un Cunsigliu

Accademicu previstu à posta, ci pare per oghje impurtante d’ammentà a situazione propiu dilicata di e strutture pedagogiche chì venenu in appoghju.

Attaccheremu prima cù u cartulare di Bastelica : centru creatu per deliberazione di l’Assemblea u 14 di Dicembre di u 2009 – 4 anni fà – cù a pussibilità di ghjuvacci di l’anzianu gruppu sculare di u paese, prupietà di a cumuna, per una Ancu s’è a nostra Cullettività ùn hà a cumpetenza nant’à l’andatura Attaccheremu prima cù u cartulare di Bastelica : centru creatu per piggiò di 20.000 euri à l’annu, travaglii di rinnuvazione per 1,2 milione d’euri, quessa da pudè accoglie una settantina di sculari nant’à guasi 1000 metri quatrati, cù, in lu frattempu, di ferraghju di u 2012, l’attribuzione di a Delegazione di Serviziu Publicu per 3 anni à l’associu PEP 2B chì gestisce digià u centru di Savaghju.

À chì ne simu ? A v’aghju da dì : oghje chì ghjè oghje, aspettemu sempre a so apertura. L’affare ci pare bellu in ritardu, ancu s’è ùn feremu tantu casu à ciò ch’ellu scrivia di ghjugnu di u 2010 u Retturatu nant’à u so situ – Retturatu chì stacca unepochi di prufessori certificati di Corsu per l’occasione – chì l’apertura era annunziata per ghjennaghju di u 2011. Eccu per Bastelica. l’associu delegatariu, centru creatu 30 anni fà è apertu à a pratica immersiva dipoi 15 anni, parleremu di i penseri di u Presidente di st’associu delegatariu. In una lettera mandata à i vostri servizii di lugliu scorsu, mentuvava à a bella megliu i capatoghji per u più quelli di funziunamentu di a struttura. À l’accorta parlava di a necesità di rinnuvà i bastimenti, minacciati di chjuditura – ci sò raporti di l’APAVE è di a cummissione di securità dipartimentale – s’ellu ùn ci era un prugramma di travaglii, ch’ellu sia à livellu di l’alarme incendii è di tutta a stallazione elettrica in un primu tempu, è po dopu di u sviluppu di l’accolta, riguardu à l’evuluzione è u sviluppu di i sughjorni linguistichi. Dumandendu à scuntravvi, u Presidente di a PEP 2b

presentava un cartulare d’un cantieru di 300.000 euri.

In corte parolle, in tempu di rivindicazione di cuufficialità, a nostra Cullettività hà una rispunsabilità tremenda in stu duminiu è li tocca, à parè nostru, à sustene l’attività di i centri, siasi per accelerà l’apertura di Bastelica, siasi per rinnuvà a struttura di Savaghju. L’averete capita, ùn andendu più in là, di pettu à l’impegnu forte di st’Assemblea in u sviluppu di a Lingua Corsa, ch’ellu ùn hè più ora di tricà. Quand’omu parla di e filiere bislingue, sapendu ch’è no simu in ritardu nant’à e tappe di u PRDF, ci tocca à risponde è à sustene subitu avà st’arnesi chì sò di primura in a dimarchja generale di Riacquistu ver di una sucetà bislingua. centri d’immersione, centri à prò di tutte ste leve di sculari indiati in l’amparera di u Corsu è puntelli di u spannamentu di l’educazione bislingua.

 Vi dumandemu dunque di dicci ciò ch’è vo cuntate di fà per sti centri d’immersione, centri à prò di tutte ste leve di sculari indiati in l’amparera di uCorsu è puntelli di u spannamentu di l’educazione bislingua.

Prima, vi vogliu ringrazià di ricunosce a nostra vulintà per ciò chi tocca à a nostra ambizione pè a lingua. Sti poc’anni, a nostra cullettività, hà avanzatu più ch’è bè nant’à ste quistione…  ferùu
Simu, di sicuru, cunvinti di l’interessu di i centri d’immersione, a prova serà chì una parte impurtente di u bugettu di u Serviziu Furmazione Linguistica hè cunsacrata à st’azzione. Centri ci n’hè quattru, avà, in Corsica : i tre più anziani in Corsica suprana (dui à a ghjurnata, unu, Savaghju, à a simana), l’ultimu, in Corsica suttana, in Bastellica.
Per cio chi toca a Bastellica : u bastimentu ùn hè nostru, l’avimu in affittu è deve esse furnitu ecchippatu à l’associu titulare di a DSP. Avimu lanciatu un’AMO, participatu di manera determinente à u pianu di finanzamentu di i travagli, lanciatu DSP attribuita a a PEP, i travagli compii è u Retturattu hà staccatu dui persunali insignenti.
L’associu di i PEP, titulare di a Delegazione pò cumincià u so travagliu di ricrutamentu è di prumuzione di u centru, cù l’aiutu di i prufissori staccati. A nostra cullettività hà suvvenziunatu u funziunamentu à u tittulu di l’annata 2013 è ancu una parte « ecchippamentu » ; ancu s’è u centru ùn hè anc’ apertu à i sculari.
Ferma quantunque à rigulà un prublema di certi materiali (cucina, sicurezza…) chì sò di a respunsabilità di a merria. Ma, a ripettu, per noi,

u centru hè operaziunale.  Invece, per u centru di Savaghju : i servizzii di a CTC ùn anu ricivutu nisuna dumanda d’intervenzione nantu à l’ecchippamentu o per participà à finanzà travagli di rinnuvazione di i bastimenti.C e statu una simplice lettera ma a ripettu nissuna dumanda ufficiale Chjamu i moi amichi di a PEP a fa e cose cum’ellu ci vole e pensu chi a risposta sera favurevule.
Vi ramentu chì u centru hè privatu , aghjusteraghju chì avimu sempre rispostu pusitivamente quandu eranu fatte dumande simule (esempiu : messa à e norme di a cucina di u centru) ben chè a cunvenzione ùn purtessi chè nantu à u funziunamentu. Annu, avemu ecchippatu i trè centri di Tavuloni interattivi (TBI), per esempiu, è l’idea era nostra. Per compie, vi diceraghju chì aghjiu scrittu à u Ministru duie volte per falli sapè a nostra primura in quant’à a perennità di st’azzione è dumandali u finanzamentu à parità di i centri, postu chì a cunvenzione addiziunale si finisce di dicembre.
Rimarcate cù ghjustezza chì ùn avimu micca a cumpetenza « educativa » chì ci hè sempre ricusata ancu quandu ci hè dumandatu di inanzà : appuntu, in u casu di i centri chè no sustenimu, avimu u nostru da fà per esse assuciati à e riunione di prugrammazione cù i cunsiglieri pedagogichi, invece chì a nostra strategia duveria esse spiegata à tutti l’attori cuncernati da noi stessi è micca da intermediarii !

Tuttu què mi face di chi à a creazione di u Cunsigliu academicu territuriale per a gestione di u sistema d’insignamentu bislingu debe

assi in furià.

Vi ringraziu