(Michaël Andreani – Alta Frequenza) – Ritornu nant’à a muzioni rilativa à a missa in ballu di i mezi ghjuridichi, pà un statutu d’ufficialità di a lingua corsa. Iss’ultima, dighjà pruposta da u gruppu Corsica Libera dui anni fà, hè stata aduttata in fin’ di settimana scorsa cù una maghjurità di 36 eletti nant’à 51, à l’Assemblea di Corsica. U so scopu : dà à a lingua un statutu ghjuridicu chjaru, da pudè favurizà u so spannamentu in parechji settori di a sucità isulana. Sviluppu di l’insignamentu bislinguu, furmazioni di i parsunali inde l’intrapresi è l’amministrazioni, i necessità sò quissi quì. Aldilà di dà un valori ecunomicu à u corsu, issu passu in avanti pudaria custituiscia un fattori d’integrazioni suciali forti pà i ghjunghjiticci, arrimbendu si nant’à asempii cuncreti, com’è quillu di a pulitica missa in ballu in Catalogna.
Faites passer l’information autours de vous en cliquant sur :
Produit CORSU E RIBELLU
