A visita di Xavier Bertrand: ripresa di i neguziati à l’Agenzia regiunale di a salute

Xavier Bertrand rilancia i neguziati indè u cunflittu di l’agenzia regiunale di a salute. In Aiacciu, eri, u ministru di u travagliu, di l’impiegu è di a salute, hà scuntratu u persunale di l’agenzia…Hà riacertatu chi e metode aduprate attualmente ùn so micca e piu adatte. Hà dunque prupostu di inizià novi neguziati, in prefettura. Una annuncia chi hà sutisfatu i sindicati, i quale aspetanu ava a messa in piazza di un calendariu a settimane prossima chi deve sbucà annantu à e discussione… U ministru di a salute hà, in oltre, riacertatu chi a crescita di u cuefficiente geograficu serà di 5 à 7 %, è micca di 15% cume vole u STC. Hà ancu assicuratu chi a cunstruzzione di u novu ospitale d’Aiacciu serà finanziatu da u Statu in’u guadru di u prughjettu  » Hôpital 2012″. Oghje Xavier Bertrand ferà u giru di i stabilmenti ospitalieri insulani: Castelluccio, in Aiacciu, Bonifaziu, Porti-Vechju à a Misericordia in Aiacciu. Dumane, in fine di mattinata, hè aspetatu à l’antena medicale d’urgenza di Calvi…

Faites passer l’information autours de vous en cliquant sur :